Рок попын ертөнцөд өөрсдийн гэсэн содон өнгө төрхөөрөө онцгойрон гарч ирсэн “Киви” хамтлагийн бүсгүйчүүд өдгөө тус тусын уран бүтээлийг хийх болсон. Хамгийн сүүлд тус хамтлагийн бүсгүйчүүд продюсер Б.Ангирмаагийн тоглолт дээр бүрэн бүрэлдэхүүнээрээ цугласан удаатай.
Харин энэ удаад Ука, Намуун, Халиун нар нэгдэн сонсогчдодоо бэлэг барихаар зэхэж буй бололтой. Тэд хамтдаа авахуулсан зургаа цахим хуудаснаа байршуулсан нь багагүй шуугиан дэгдээж, сонсогчдоо хамтлагийн гишүүн Агийгийн эрэлд гаргахад хүргэсэн байна.
Олны нүднээ хааяахан ил гарч, тун ч нууцлаг амьдралаар амьдрах болсон түүнийг ийн хамтлагаас гарч, хуучин гишүүн Халиунд зайгаа тавьж өгөв үү гэх асуултын хариу тун удахгүй ил болох бололтой.
