Антарктид тивээс хойш 240 км-ын зайд орших дэлхий ертөнцөөс хамгийн ихээр алслагдсан жижигхэн хадан хясаа бүхий арлыг хүмүүс нэгэнтээ “зааны арал” хэмээн нэрлээд 48 жилийн хугацаа өнгөрчээ. Уг арлыг хамгийн анх Хаант Орос Улсаас гаралтай адмирал Мординовоор ахлуулсан Антарктидын судалгааны багийнхан 1821 оны 1-р сарын 29-ны өдөр олж нээсэн бөгөөд анхлан “Мординовын арал” хэмээн нэрийдэж байсан түүхтэй. Гэвч уг нээлтээс 5 жилийн дараа Мординов уг арлын зүг дахин явсан боловч арлыг олж чадалгүй төөрсөн байдаг. Өөрийнхөө нэрээр нэрлэсэн өөрийн арлыг олж чадаагүй нь эзэн хаанд таалагдаагүй учир түүний нээлтийг тухайн цаг үед эзэн хаан албан ёсоор үгүйсгэсэн юм.
Уг явдлаас 150 гаруй жилийн дараа Их Британы эзэн хааны флотын судалгааны багийн ахмад Malcolm Burley HMS хөлөг онгоцны хамт Антарктидын судалгаа хийж яваад санамсаргүй байдлаар уг арлыг нээжээ. Арлын хадан хясаан дээр хүн төрөлхтний урьд хожид огт харж байгаагүй “заан үхэр” хэмээх усны үхрийн төрөл зүйлийн амьтад маш олноор байсан тул “зааны арал” хэмээн нэрлэсэн байна. 47 км үргэлжилсэн урттай, 27 км өргөнтэй уг жижигхэн аралд хоёр л төрлийн оршин суугчид байдаг нь заан үхэр болон оцон шувуунууд.
Гэхдээ хамгийн гайхшралтай нь Их Британы судалгааны багийнхан уг аралд нийтдээ 6 сарын турш судалгаа хийсний эцэст агуй олж илрүүлсэн бөгөөд агуйн гүнээс хүмүүсийн гавлын ясыг олсон байдаг. Тэднийг цочроосон зүйл гэвэл гавлын яснууд нь нь өөр өөр цаг үед амьдарч байгаад үхсэн хүмүүсийнх байлаа. Энэ бүхний учир шалтгааныг Их Британы эрдэмтэд яаж ч тайлбарлах гээд чадаагүй бөгөөд эрт урьд цагт уг аралд хүмүүс ирдэг байсан эсвэл хүн амьдардаг байсны баталгаа болж байгаа юм. Гэвч уг арал нь хамгийн ойрхон хүн амьдардаг газраас 985 км-ын зайтай байсан бөгөөд эрт цагт хүмүүс хэрхэвч ийш ирэх боломжгүй байлаа. Магадгүй хэсэг хүмүүс төөрч явсаар энд буудаллан гэр орноо болгосон байж ч болох.
Өдгөө уг арлын ойр орчимд тусгай зөвшөөрөл авсан загас агнуурын компаниуд загас агнадаг бөгөөд Их Британи, АНУ-ын аль нэгнээс эрхээ авсан аялагчид улсаас гаргаж өгсөн хөтчийн хамт уг аралд очин зураг даруулж, хоноглож болдог байна. Гэхдээ уг аралд очихын тулд Австралийн баруун мужаас 1100 км-ын турш далайгаар аялж очдог нь хамгийн том асуудал юм.
