Фантастик продакшны захирал, найруулагч Б.Тамир, Аримун продакшны жүжигчин А.Ганчимэг нар өнгөрсөн амралтын өдөр намрын навчин дунд болзлоо.
Тэд хамт авахуулсан зургаа нийтлэх зэргээр харилцаагаа олон нийтэд мэдэгдэхийг яарахгүй байгаа ч овжин фэнүүд нь хэдийнэ хамт зугаалсныг нь инстаграм дахь түүхээс нь төвөггүй олоод мэдчихжээ.
Тус тусдаа гэр бүл зохиож, хүүхэдтэй болсон тэднийг драмын театрт байхдаа хайр, сэтгэлийн холбоотой байсан гэх яриа сүүлд хамтран гол дүр бүтээсэн “Халуун зүрх” кино дэлгэцэнд гарснаас хойш хүчтэй яригдах болсон.
Хосууд үнэхээр харилцаагаа нууцалж байгаа юу, эсвэл ил болгох тохиромжтой цаг хугацааг хүлээж байна уу гэдэг нь сонирхол татсан хэвээр.
