Rebecca Zeni хэмээх бүсгүй 20-р зуунд АНУ-ын телевиз болон загварын салбарт тод гялалзах од болон гийж байлаа. Залуу насны цог золбоо, гялалзсан эрч хүч нь түүнийг амжилтын үүдэнд хүргэж өгсөн боловч энэ бүх амжилтын төгсгөл тийм ч таатай байсангүй. Тэрээр 2015 оны 6-р сард 93 насандаа таалал төгссөн бөгөөд түүний үхэл эгэл хүний ёсноос гажууд буюу дэндүү аймшигтай байсан юм. Тэрээр амьдаараа хачиганд идүүлж үхсэн бөгөөд түүний арьсан дотор нэг сая гаруй шимэгч хачигний төрлийн амьтад амьдарч байжээ. Rebecca Zeni-ын бүхий л бие мах бодь нь хачигнуудын халуун дулаан гэр олон болсон байлаа.
Түүнийг гэр бүлийнхэн нь 2010 онд өөрийнх нь гэрт мужийн эмнэлгийн сувилагчид даатган үлдээсэн бөгөөд тэр цагаас хойш хэн ч түүний эрүүл мэндийг анхаарч ирээгүй юм. Учир нь түүний үр хүүхдүүд болон ач зээ нар бүгд Rebecca Zeni-аас хачиг халдана хэмээн сүнсээ зайлтал айсан хэрэг. Түүнд ердөө ганц сувилагч гэрээр нь үйлчилдэг байсан бөгөөд уг сувилагч түүнд хүрэхдээ маш болгоомжтойгоор бээлий ашиглан хүрдэг байжээ. Учир нь хачиг үнэхээр халдах боломжтой байсанд асуудлын гол нь оршино.
Georgia мужийн эмнэлгийн ахлах эмч, судлаач Dr. Kris Sperry хэлэхдээ тэрээр бүхий л амьдралынхаа турш ийм аймшигтай тохиолдлыг харж байгаагүй гэдгээ хэлсэн байна. Түүнд ямар ч эмчилгээ хийсэн нэмэргүй болсон бөгөөд тэдгээр бүх хачиг, шимэгчид түүнийг баг багаар дотроос нь идэж алж байлаа. Тэрээр туйлын их өвдөлт шаналал дунд хорвоог орхисон юм. Чухам яагаад түүний биед 1,000,000 гаруй хачиг үүрэлсэн болохыг эрдэмтэд одоог хүртэл олж тогтоогоогүй бөгөөд өөрийн хайхрамжгүй байдлаасаа болж ийм болтол нь үржүүлсэн байж болох талтай аж. Учир нь хачиг өндгөө арьсан дотор шахан үрждэг амьтан билээ.
