“25-р суваг” телевизийн бүтээл “Making The Band” нэвтрүүлгээс төрөн гарсан “Mixx” хамтлагийн гишүүд өдгөө тус тусын уран бүтээлийг хийх болсон. Тус хамтлагийнхнаас хамгийн их дуулиан тарьдаг нэгнээр реппер Темпог нэрлэж болно.
Жүжигчин П.Шүүдэрцэцэгтэй хайр дурлалын романс үүсгэж эхэлсэн цагаасаа эхлэн олны анхаарлын төвд байх болсон тэрбээр түүнд зориулан “Шүүдэрхэн” хэмээх дуу хүртэл гаргаад амжсан. Түүний “Ex Calling” дууг жүжигчин бүсгүйд зориулагдсан хэмээх нь бий. Харин тэрбээр саяхан “Хэрэггүй” хэмээх дуугаа цацсан нь түүнийг дахин энэхүү ярианы эзэн болгоход хүргэжээ. Учир нь тус дууны клипэнд жүжигчин бүсгүйтэй тун ч адилхан бүсгүй тогложээ.
Энэ нь түүнийг одоог хүртэл П.Шүүдэрцэцэгт сэтгэлтэй хэвээр, энэхүү дууг ч мөн түүнд зориулан гаргасан байж магадгүй гэх сэтгэгдлийг олонд төрүүлээд байгаа гэнэ.
