Жүжигчин П.Шүүдэрцэцэг АНУ-ыг зориод удаагүй байгаа. Суралцахын хажуугаар амьдралын олон чухал зүйлсийг таньж мэдсээр байгаа түүнийг хайртай залуугаасаа салсан гэх мэдээлэл мэр мэр гарах болсон. Харин тэрбээр үүнийг үгүйсгэсэн бөгөөд хол зайд байгаа хосууд харилцаагаа хэвийн үргэлжлүүлэхийн тулд ихэд хичээж буй бололтой.
Жүжигчин П.Шүүдэрцэцэг минималист хэв маягаар амьдрахаар шийдээд байгаа гэх бөгөөд аз жаргалыг холоос хайх хэрэггүй гэдгийг ийнхүү сануулжээ.
Жүжигчин П.Шүүдэрцэцэг Тийм юм байдаггүй юм аа Ихэнх хүмүүс хүссэнээ авбал аз жаргалтай амьдарна гоё байна гэж боддог. Хүссэн хүнтэйгээ үерхчихвэл, суучихвал, хүссэн машинаа уначихвал, дансандаа хэдэн төгрөгтэй болчихвол, хүссэн ажилдаа орчихвол биеэ ингээд хөгжүүлчихвэл… тэгвэл ёстой гоё болно гэж өөртөө итгүүлээд одоо байгаа амьдралаа үнэ цэнэгүй болгодог. Магадгүй чи хэдэн жил хөдөлмөрлөөд бүгдийг нь авч магадгүй. Гэхдээ тэдгээр зүйлсээр алдсан жилүүдээ хэзээ ч нөхөж чадахгүй. Чи нас ахих тусам яаж ч гоё юм үзэж харсан ч хүүхэд нас өсвөр насных шигээ тийм гоёор хорвоог харж чадахгүй.
Тиймээс сэтгэл дүүрэн амьдралаа өнгөрүүлмээр байвал өөрийнхөө аз жаргалд нөхцөл тавихаа боль Ялангуяа чи одоо сурагч эсвэл оюутан бол чи хамгийн гоё үе дээрээ байна. Том болох гэж мундаг харагдах гэж хичээхийн оронд гүйж гараад хүүхдээрээ гоё өнгөрүүл гэж хэлмээр байна. Худлаа намба зааж юм бүрийг мэддэг царайлах хэрэггүй. Сайхан дуу сонсоод алх Бороонд норж ганцаар суу. Хажуугаар нь зорилго мөрөөдлөө хөөцөлд Хүүхэд насны мэдрэмж дахиж ирэхгүй. Дахин бид цав цагаахан цаас байхгүй. Жижигхэн зүйлээс инээдийг олж харах гэж хичээ тэгвэл жижигхэн зүйлээс ч аз жаргалыг мэдрэх боломжтой. Амжилт хүсье бүгдэд нь.
