АТГ-аас Ерөнхий сайд асан С.Баяр Ч.Сайханбилэг нарыг Оюутолгой хөрөнгө оруулалтын гэрээ, Хувь нийлүүлэгчийн гэрээ Дубайн гэрээг батлахдаа эрх мэдэл албан тушаалын байдлаа урвуулан ашиглаж бусдад давуу байдал бий болгон улсад их хэмжээний хохирол учруулсан байж болзошгүй хэргээр шалгаж байгаа билээ.
Уг хэргийн мөрдөн байцаалтын ажиллагаа дуусч хэргийг прокурорт яллах саналтайгаар шилжүүлсэн байна.
С.Баяр Ч.Сайханбилэг нартай хамт УИХ-ын гишүүн, Сангийн сайд асан С.Баярцогт Татварын ерөнхий газрын дарга асан Б.Ариунсан Эрдэнэс Монгол ХХК-ийн гүйцэтгэх захирал асан Б.Бямбасайхан нарыг шалгаж байгаа юм.
