Hanns Scharff 1907 онд зүүн Пруссын эзэнт гүрний нутагт орших нилээд хөрөнгөлөг гэр бүлийн бага хүү болон мэндэлжээ. Түүний эцэг гэр бүлийн бизнес өвлөж авсан баян хүн байсан боловч дэлхийн нэгдүгээр дайнд Пруссын эзэнт гүрний армид элсэж 1916 онд Францад амжилттай тулалдан офицер цол авч 1917 Wiesbaden хотыг амжилттай нэгтгэж Герман улсыг нэгэн бүхэл болгоход үнэтэй хувь нэмэр оруулсан тул төрийн дээд төмөр загалмай одонгоор шагнуулж байсан нэгэн юм. Ийм ч учраас Hanns Scharff эцгээрээ цаг үргэлж бахархаж байсан төдийгүй эцэг шигээ аугаа эх орныхоо төлөө халуун амиа урсгахад бэлэн зоригт хөвгүүн болон өсөж торнисон байдаг.
Гэхдээ бяцхан Hanns Scharff-ын бодож байсан бүхэн нэгэн цагт биелнэ гэж тухайн үедээ төсөөлж байсан болов уу? Дэлхийн хоёрдугаар дайн эхлэх үед бүх залуучууд цэрэгт татагдсан бөгөөд эртний Пруссын эзэнт гүрнээс сурвалжит гаралтай, төмөр загалмайтай гэр бүлийн хүү Hanns Scharff өндөр боловсрол эзэмшсэн тул шууд л офицер болж галын шугамд бус арын албанд SS-ын өндөр хариуцлагатай албан тушаалд томилогдсон юм. Тэрээр мөрдөн байцаагч, эрүүдэн шүүгч болсон аж. Өөрөөр хэлбэл олзлогдсон цэргүүдээс мэдүүлэг авах ёстой байсан бөгөөд тухайн үед бүгд л байж болох хамгийн харгис аргаар тамлан зовоож мэдүүлэг авдаг байлаа.
Hanns Scharff угаас хувь хүний ухамсар болно боловсролын түвшингээр бусад офицеруудаас хэт ялгарч байсан тул уламжлалт аргаар бус өөрийн аргаар ажиллахаар шийдсэн байдаг. Тэрээр хорих лагерьт хоригдож байгаа цэргүүдийг байцаалт авахаар дуудаж өөрийн эхнэрийн хийсэн жигнэмгээр дайлан хамт ярилцан цэцэрлэгт хүрээлэн, далайн эргээр тамхи татан алхаж цагийг өнгөрүүлдэг байв. Hanns амьдралдаа ганц ч удаа хүчирхийлэл хэрэглэж байгаагүй бөгөөд түүний арга барилыг бусад байцаагчид буруушаадаг байсан ч үр дүнгээрээ Hanns тэднийг цөм ардаа орхиж чадсан юм. Бүр хоригдлууд заримдаа түүний эелдэг сэтгэлд талархаж асуугаагүй байгаа мэдээллүүдийг нь сайн дураараа хэлж өгдөг байсан байна.
Харин дайн дуусах үед түүнийг Америкийн цэргүүд олзолж цэргийн хоригдол болгосон бөгөөд тагнуулын ерөнхий газраас түүнийг шалгаж үзээд ямар ч гэмт хэргийн ул мөр илрээгүй тул тэр даруй сулласан байдаг. 1938 онд Hanns АНУ-д цагаачлах хүсэлт илгээсэн бөгөөд тухайн үед Gabreski гэх түүнд байцаагдаж байсан АНУ-ын нисэх хүчний ахмад эр түүний түүхийг гадаад харилцааны яаманд илгээж өөрөө батлан даасан бөгөөд өөр бусад холбоотон орны маш олон хоригдлууд түүний талд байсан тул АНУ түүний хүсэлтийг зөвшөөрч цагаачлах хүсэлтийг нь дэмжсэн байна. Тэрээр 1992 онд 84 насандаа хорвоогийн мөнх бусийг үзүүлсэн юм.
