1912 оны 8-р сард Percy Dunbar-ын гэр бүлийнхэн зуны нарлаг өдрүүдийг үдэх зорилгоор Louisiana мужийн Swayze гэх голд загас барихаар явсан байдаг. Гэвч тухайн сарын 23-ны өдөр тэдний хамгийн том хүү болох 4 настай Bobby Dunbar учир битүүлэг шалтгаанаар ор сураггүй алга болжээ. Уг үйл явдал тэдний гэр бүлийнхнийг солиоролд хүргэсэн бөгөөд АНУ-ын бүхий л мужуудаар үндэсний их эрэн хайх ажиллагаа явуулсан байна. Ийнхүү нэлээдгүй хичээл зүтгэлийн үр дүнд 8 сарын дараа Mississipi мужаас Bobby Dunbar-ыг цагдаагийн албан хаагчид олсон байдаг.
Гэр бүлийнхэн нь түүнийг хараад хязгааргүй баярласан боловч Bobby Dunbar өмнөхөөсөө нэг л өөр байв. 8 сарын турш алга болсон юм чинь арга ч үгүй биз хэмээн бодтол Bobboy юу ч санахгүйн дээр юу ч ярихгүй байв. Өнгөрсөн бүх хугацааг хаана өнгөрүүлсэн гэх асуултад ч мэдэхгүй хэмээн хариулсан нь хүн бүхнийг гайхшралд оруулав. Хүү гагцхүү өөрийгөө Bobby Dunbar мөн гэдгийг л хамгийн сайн мэдэж байлаа.
Цаг хугацаа өнгөрөх тусам хүүгийн өмнөх дурсамжууд сэргэж бүх зүйл нилээд дээрдсэн боловч сэтгэл зүйчдийн асуултад үргэлж бүдэрсээр л байв. Бүр сэтгэл зүйчид түүнийг Bobby Dunbar мөн эсэх эсийн шинжилгээ өгөхийг гэр бүлээс нь ятгуулсан боловч түүний эцэг эх хэзээ ч зөвшөөрөөгүй юм. Bobby Dunbar амьдралынхаа турш 7 хүүхэд гаргасан бөгөөд 2004 онд түүнийг нас барахад түүний үеэл болсон бүх түүхийг сайн мэддэг учир Bobby-ын цогцосноос ДНА-ын шинжилгээ хийлгүүлсэн байна. Гэвч хамгийн аймшигтай нь Bobby Dunbar-аас Dunbar-ын гэр бүлийн ДНА илрээгүй бөгөөд үеэлийнхээс нь хүртэл зөрж байлаа. Иймд бүхэл бүтэн зуу гаруй жилийн дараа Bobby Dunbar-ыг жинхэнэ Bobby Dunbar биш болохыг олж тогтоосон байна. Тэгвэл Bobby Dunbar-т яг юу тохиолдсон бэ? Түүнтэй ижилхэн царайтай бөгөөд түүний амьдралаар амьдарсан хуурамч Bobby Dunbar чухам хэн байв? Энэ бүх асуултууд оньсого хэвээр үлдсэн юм.
