Алдарт реппер Tupac-ыг танихгүй хүн өнөөгийн дэлхий ертөнцөд бараг байхгүй гэж хэлж болохоор. Тэгвэл хүн бүр түүний гэр бүл тэр тусмаа түүний эмээгийн түүхийг мэдээд байдаггүй л болов уу. Tupac-ын бүтэн нэр нь Tupac Amaru Shakur гэх бөгөөд түүний эмээг Assata Shakur хэмээдэг байжээ. Түүний эмээ нь 20-р зууны АНУ-ын гэмт хэргийн ертөнцөд цахиур хагалсан нэгэн байлаа. Зүгээр нэг гэмт хэрэгтэн биш Засгийн газрынхаа эсрэг зэвсэг барин тулалддаг гэдэг утгаараа нийгмийн дайсан хэмээн дуудагдаж байсан юм.
1971 онд тэрээр харуудын чөлөөлөх арми-ийн гишүүнээр элссэн байдаг. Уг армийн үндсэн зорилго нь АНУ-д амьдарч буй бүхий л өнгөт арьстнуудыг цагаан арьст хүмүүстэй ижил эрхтэй болгоход чиглэж байв. Гэхдээ тэдний үйл ажиллагаа нь Мартин Лютер Кингийнхээс эрс өөр арга замаар явдаг байлаа. Тэд хүслээ гүйцээхийн тулд хүчирхийлэл үйлддэг байв.
Тийм ч учраас 1973-1977 оны хооронд тэрээр аллага зэвсэгт дээрэм банкны дээрэм хүн барьцаалах зэрэг гэмт хэргүүдэд холбогдсоноос гадна Засгийн газрын эсрэг буудалцсан зургаан ч буудалцаанд оролцсон нь тогтоогдсон байдаг. Тийм ч учраас Холбооны мөрдөх товчоо түүнийг террорист буюу онц хүнд гэмт хэрэгтэн хэмээн үзэж жагсаалтад нэмсэн түүхтэй.
1977 онд түүнийг нэгэн буудалцааны үеэр амьдаар нь баривчилж чадсан байдаг. Тэрээр тухайн буудалцаанд нэг цагдаагийн амь насыг хөнөөсөн нь байдлыг тэр чигээр нь өөрийнхөө эсрэг эргүүлсэн юм. Тиймээс холбооны засгийн газрын шүүхээс түүнийг бүх насаар нь хорих ялаар шийтгэсэн боловч хоёрхон жилийн дараа буюу 1979 оны 11-р сарын 2-ны өдөр 38 настайдаа шоронгоос оргож Куба уруу зугтаж чадсан билээ. Үүний хариуд АНУ-ын Засгийн газар түүнийг одоог хүртэл эрэн сурвалжилсаар байгаа бөгөөд барьж өгсөн хүнд 2 сая долларын шагнал амласан байдаг аж. Тэрээр өдгөө 71 настай бөгөөд Кубийн нийслэл Хавана хотод аж төрөн амьдарсаар.
