Азийн шилдэг жүжигчин шагналын эзэн Б.Цэцэг олон нийтийн сүлжээнд тун ч идэвхтэй нэгэн. Сонгууль дөхөж байгаатай зэрэгцэн улстөрийн тухай өөрийн бодлыг идэвхтэй илэрхийлэх болсон тэрбээр энэ удаад Ерөнхийлөгч Х.Баттулгын тухай ийн өгүүлжээ.
Б.Цэцэг: Би Женкогийн нэг занд маш дуртай! Тэр хэзээ ч үр хүүхдүүдээ алтанд өлгийдөж эд баялагаар бялхуулж өсгөөгүйд нь дуртай! Бүгд л бидний дунд яг бидэн шиг өссөн. Аав нь мөнгөлөг гээд түнтийтлээ мөнгөтэй явахыг нь л үзээгүй. Улс төр гэдэг заваан тоглоомд үр хүүхэд үрэгдэж боломгүй! Үнэхээр өөрсдийн хүслээр төрд шургалж оролцоод эцэг эхийн гар хөл болж байгаа бол дүүрч.
Хүлэгт дүүг би бага байхаас нь л мэднэ. Урлагт хайртай уран зураг дуу хөгжим кинонд сонирхолтой. тэр ч бүү хэл Иракт алба хааж л байсан тэгж онгирч овгорч том машин унаж брендээр гоёд явахыг нь нэг ч үзээгүй юм даг. Өнгөрсөн хавар Сөүл явлаа бид хоёр хаа нэг ганц нэг үг бичилцдэг юм.
Хүмүүс гайхах л байх аавынх нь улс төрийн эрх мэдэл миний үзэл баримтлалтай тэрсэлж байхад хүүг нь өмөөрлөө гэж Гэвч ёс суртахуунт нийгэмд үзэл бодлоо чөлөөтэй илэрхийлэх нь тийм ч буруу зүйл гэж хэн ч бодохгүй биз ээ.
Та Сөүл ирвэл уулзана шүү гэлээ би ч ажилтай байж байж явахынхаа урд өдөр хоолонд ороод жоол юм ярьж суулаа ямар энгийн эвдрээгүй хүүхэд гэж санана. Кино урлаг дуу хөгжим яриад хэсэг жазз хөгжим сонсож хоолоо идчихээд дүү нь хичээлдээ яваад л байж байна гэж хэлээд хоёулаа салсан юм. Би ч оройтсон тул миний дүү яаж харих юм такси барих уу? гэхэд зүгээр ээ би чинь оюутан шүү дээ гэж хэлээд автобусанд суугаад л явсан.
Би ч бодлоо үгүй аав нь Ерөнхийлөгч болсон ч эвдрээгүй тэр хэвээрээ мундаг шүү гэсэн юм бодоод л буцсан даа. Өчнөөн л олон эрх дархтай хүмүүсийн хүүхдүүдийг харж л явсан пээдийгээд бараг л аавынхаа нэрийг духан дээрээ хадаад хачин авирлаж дээрэлхүү зан гаргах нь энгийн л үзэгдэл. Төрийн өндөрлөгийн хүү гээд чичээд баймааргүй байна аа.
Энэ тохиолдолд би өмөөрнө. Өөр хүний хүүхэд байсан бол бараг орд харшид амьдарч тусгай хамгаалалттай л явж байх биз Миний оффисын өрөөний хананд зураг зурж байсан үе 2015 он. Үнээ тохироод л хөөрхөн ажил хийж байсан юм даг.
