Дэлхийн хоёрдугаар дайны явцад Японы эзэнт гүрэн Хятадыг эзэлсний дараагаар хүний ой тойнд багтамгүй аймшигт туршилтуудыг амьд хүмүүс дээр хийсэн байдаг. Япончууд хүн төрөлхтний түүхэнд хамгийн их үхлийн туршилтуудыг хүн дээр туршиж байсан үндэстэн билээ. Тэд 580,000 гаруй Хятад иргэд дээр туршилт хийснээс 400,000 гаруй хүнд химийн зэвсэг, булчин задрах тахал, цусны бөөмийн өвчлөл, боом өвчин болон бусад өвчний туршилт хийж хөнөөсөн түүхтэй. Энэ нь нэг талаараа арлын оронд орших үндэстэн хүн төрөлхтний эсрэг аймшигтай гэмт хэрэг хийж байсны хамгийн тод жишээ яах араггүй мөн юм.
1941 оны 12-р сарын 7-ны өдөр Японы эзэн хааны нисэх хүчин АНУ-ын сувдан эргийн тэнгисийн цэргийн бааз уруу дайралт хийсний дараахан 1942 оны 3-р сард Филиппин уруу Хятадуудад туршсан химийн зэвсгийн дайралт хийх гэж байтал тодорхойгүй шалтгааны улмаас АНУ буулт хийн бүх цэргүүдээ татаж Филиппинийг зүгээр л өгчихсөн байдаг. Магадгүй тагнуулын төв газар Япончуудын химийн зэвсгийн мэдээллийг олж илрүүлсэн тул цэргүүдээ татсан байх талтай.
Ийнхүү биологийн зэвсгээ хэрэглэж боломж олдохгүй байсаар 1945 оны 3-р сарын 26-ны өдөр Японы эзэн хааны армийн командлал “шөнө дунд интоор цэцэглэнэ” хэмээх ажиллагааны төгс төлөвлөгөө боловсруулж батлан хамгаалах яам болон эзэн хаанаар зөвшөөрүүлж чадсан байдаг. Уг ажиллагааг 1945 оны 9-р сарын 22-ны өдөр эхлүүлэхээр төлөвлөж байсан бөгөөд ажиллагаанд зориулж Япончууд 150 сая гаруй хортон шавжаас 200 гаруй кг биологийн гаралтай вирус гарган авсан юм.
Ажиллагааг гүйцэтгэх үндсэн субъект нь “эзэн хааны усан флот” байсан бөгөөд Их Наран улсаас АНУ-ын баруун эрэгт 8 ширхэг гүний шумбагч онгоцтой очиж эрэгт хүрмэгцээ агаар мандалт гарч шумбагч онгоц тус бүрээс 4 ширхэг бөмбөгдөгч онгоц нисэх бөгөөд нисгэгч бүр амиа золиослох үүрэгтэй байжээ. Тэд баруун эргээс эхлэн АНУ-ын төвийн мужууд уруу хүртэл нисэхдээ химийн зэвсэг, тахал болон бусад үхлийн аюултай вирусуудыг тараах ёстой байв. Хамгийн аймшигтай нь тухайн цаг үед хүн төрөлхтөн олж нээгээгүй вирусууд байсан тул хүний бие мах бодь ямар ч дархлаагүйн дээр эмчлэх арга зам ч байхгүй байсан аж.
Гэвч 1945 оны 8-р сарын 6 болон 9-ны өдрүүдэд Японы хоёр хотод АНУ атомын бөмбөг хаяснаар 1945 оны 9-р сарын 2-ны өдөр араггүй эрхэнд Америкчуудад бууж өгсөн байна. Атомын бөмбөгийн дайралт хийх шаардлага байсан уу гэж зарим хүмүүс ярьдаг. Үүнд хоёр үндсэн шалтгаан байсан бөгөөд Гитлер үхэж Герман нэгэнт ялагдсан бөгөөд ЗХУ Японы эсрэг чөлөөлөх дайн хийж байсан тул ЗХУ-аас түрүүлж Японыг өөрийн мэдэлд оруулан буулгаж авах. Мөн АНУ-ын тагнуулын төв газар Япончуудын хийх гэж буй аймшигт дайралтыг яаралтай таслан зогсоож өөрсдийн улсыг аврахын тулд атомын зэвсэг хэрэглэхээс өөр сонголтгүй болсон байдаг. Хэрэв Япончуудын “шөнө дунд интоор цэцэглэнэ” ажиллагаа амьдрал дээр биеллээ олсон бол дэлхий ертөнцийн өнөөгийн дүр зураг өөр байх байсан нь мэдээж.
