Эрүүл мэндийн яамнаас коронавирусын цаг үеийн мэдээллийг өгч байна. Өчигдөр нийт 59 хүнд шинжилгээ хийснээс бүгд халдваргүй гарсан тухай ХӨСҮТ-ийн захирал Д.Нямхүү танилцууллаа.
ЭМЯ-ны хэлтсийн дарга Д.Нарангэрэл“Сингапурын технологийн сургуулийн эрдэмтэд халдвар анх гарснаас хойшхи болон одоо шинээр бүртгэгдэж буй халдварын тохиолдолд суурилан математик тооцооллыг хийжээ. Ингэхэд дэлхий дахин арваннэгдүгээр сарын 26 гэхэд коронавируст баяртай гэж хэлэх цаг ирнэ гэсэн урьдчилсан судалгааны дүн гарчээ” гэсэн мэдээллийг өглөө. Тус сургуулийн вебсайт дээр нийтлэгдсэн судалгааны дүнгээс товч танилцуулбал:
Дэлхий нийтийн 97 хувь тавдугаар сарын 29 гэхэд
Америкчуудын 97 хувь нь тавдугаар сарын 14 гэхэд
Оросуудын 97 хувь нь тавдугаар сарын 24 гэхэд
Энэтхэгчүүдийн 97 хувь нь тавдугаар сарын 24 гэхэд COVID-19-өөс ангижирна гэжээ.
Харин дэлхий нийтийн хувьд бүхэлдээ арваннэгдүгээр сарын 26 гэхэд коронавирусээс бүрэн ангижрана гэж Сингапурын эрдэмтэд урьдчилсан байдлаар тооцжээ.
Нөхцөл байдал хурдтай өөрчлөгдөж байгаа тул урьдчилсан тооцооллыг өдөр бүр шинэчилж байгаа аж. Мөн урьдчилан сэргийлэх сонор сэрэмжийг алдагдуулах аюултай тул энэхүү урьдчилсан таамаглалыг хэт өөдрөгөөр хүлээн авахгүй байхыг эрдэмтдийн зүгээс анхааруулжээ.
