Моделиуд ямар машин хөлөглөдөг гэж бодно. Данагар жийп санаанд тань зурсхийсэн бол эндүүрч. Хэдэн жилийн өмнө топ модель Э. Сэлэнгэ л гэхэд эгдүүтэй нь аргагүй “цох” хөлөглөдөг байлаа шдээ.
65-н жилийн турш загвараа өөрчлөөгүй энэ машин дэлхийн олон сая хүнийг дурлуулж чадсан бие жижиг ч бэлчээр том эд. Гэхдээ одоо Э. Сэлэнгэ унаагаа юүлсэн, Mercedes Benz хөлөглөдөг болсон.
Харин авсаархан машины нэг болон Mini Cooper-ийг модель С. Төгсөд найз залуу Ч. Цэнгүүн нь бэлэглэв. 1959-оноос хойш өнөөдрийг хүртэл ердөө 2-хон удаа өөрчилсөн төгс машиныг С. Төгс хөлөглөхөөр болмон нь энэ.
Жолооч болсны дараах анхны машин нь Mini Cooper болж байгаа бөгөөд романтик Ч. Цэнгүүн хайртдаа гэнэтийн бэлэг болгон өгсөн юм. Юун тулд “тэнгэрийн хунтайж” нэрээрээ олонд танигдсан билээ, тэр даруй Autoland-ынхан Ч. Цэнүүний сонирхсон машиныг 5-н сая төгрөгөөр буулгана лээ.
Ингээд 30-н саяын төмөр хүлэг модель С. Төгсийнх болох нь тэр дээ.
