Дэлхийн бүх цаг үеийн хамгийн харгис бөгөөд хамгийн хүчирхэг удирдагчдийн нэг болох Адольф Гитлерийн санаанд багтамгүй ээлжит нэгэн мөрөөдөл нь дэлхий дээрх хамгийн том цэнгэлдэх хүрээлэнг барих явдал байлаа. Тэрээр энэ бүхнийг зүрх сэтгэлээсээ бий болгохыг хүсэж байсан юм. Тиймдээ ч өөрийн дотны нөхдийн нэг Albert Speer-ээр зураг төслөө хийлгүүлэн 1937 оны 9-р сарын 7-ны өдрөөс эхлэн тус ажлаа эхлүүлсэн байдаг. Albert Speer бараг бүхий л дэлхийн урлагийг судалж үзсэний үр дүнд хамгийн төгс төгөлдөр загварыг бүтээж Гитлерт үзүүлэхэд канцлерийн нүдэнд хүсэл шуналын оч гэрэлтэн гарын үсгээ зурсан түүхтэй.
Гэвч харамсалтай нь 3-р Рейх хэзээ ч энэ бүхнийг нүдээрээ харж чадаагүй юм. Учир нь барилгийн ажил дэлхийн хоёрдугаар дайны явцад үүссэн нөхцөл байдлын улмаас гарцаагүй зогсоход хүрсэн байна. Уг байгууламжийг Deutsches stadion буюу (Герман стадион) хэмээн нэрлэж 400,000 хүний суудалтайгаар байгуулахаар төлөвлөж байжээ. Тус байгууламж нь Германы сүр хүчний билэг тэмдэг болох ёстой байж. Тэрээр нэгэнт дайнд ялна гэдэгтээ итгэлтэй байсан тул 3-р Рейхийн Засгийн Газрын ордон, олимпын стадион, шинэ Берлин хот зэрэг маш олон байгууламжуудыг урьдчилан төлөвлөж байсан юм.
1937 онд Wolfgang Lotz Гитлерт бичсэн албан бичигтээ удахгүй баригдаж дуусах уг шинэ цэнгэлдэх хүрээлэнд хуучны Ромын гладиаторуудын тэмцээнийг зохион байгуулах санал тавьжээ. Энэ нь Герман улс нэгэнт дэлхийн эзэлсэн байх тул олон үндэстнээс мэсчин боолуудыг авчирч тулалдуулвал Германы сүр хүчийг илүү мэдрүүлэх боломжтой хэмээн бичсэн байв. Гэвч Гитлер түүний хүсэлтийг урж хаясан гэдэг. Учир нь Германчууд хүн төрөлхтнийг оюун санааг шинэ түвшинд сэргэн мандаах учиртай үндэстэн. Иймд оюун ухаант хүмүүс ийм үйлдэл хийвэл олон мянган жилийн өмнөх үерүүгээ ухарч байгаагийн хэлбэр. Нэгэнтээ хүн төрөлхтөн мэсчин боолуудын үеийг туулаад өнгөрсөн. Тэгвэл яагаад би нийгмийн хөгжлийг 2 мянган жилийн өмнөх уруу дахин ухраана гэж? Хэмээсэн байна.
Харин Speer болон Гитлер хамтдаа сууж мөрөөдийн стадионы загварыг гаргах явцдаа хэд хэдэн спортын талбайнуудад өөрчлөлт оруулсан байдаг. Тэд дүрмийг хамтдаа шинээр зохиосон бөгөөд тэртээ тэргүй Герман ялах учир энэ спортууд ч гэсэн ялагчийн дүрмээр тоглогдох болно хэмээжээ. Мөн аль эрт үеээ өнгөрөөсөн мэсчин боолуудын тэмцээний оронд Ари үндэстний мартагдаж үгүй болсон эртний тоглоом, спортыг сэргээн бий болгож түүний дүрэм, техникуудыг шинээр боловсруулан хийхээр шийдвэр гаргасан түүхтэй.
Уг гайхамшигт бүтээн байгуулалтыг 8 жилийн дараа буюу 1945 онд Их Германы шинэ конгрессын ордонтой зэрэгцэн нээлтээ хийнэ хэмээн тооцоолж байсан боловч нээлт болох 1945 он гэхэд хас тэмдэгний ноёрхол хэдийнээ үе ээ элээсэн байлаа. Энэ бүх гайхамшгийг, бүхий л зорилго, хүсэл мөрөөдөл, гэнэн сэтгэлээ дотроо тээсээр аугаа эзэнт гүрнийхээ сүүлчийн амьсгалыг тастуулахыг харах зориг хүрээгүй тул их удирдагч өөрийгөө эх орноосоо түрүүнд хөнөөсөн юм.
