АНУ-ын Texas мужийн орон нутгийн зам дагуу нэгэн ор олон жилийн турш дугуйны дэлгүүр ажиллуулсаар иржээ. Зам зуур явж буй хүмүүс түүнээр үйлчлүүлж дугуйгаа засуулах юм уу шинэ дугуй авсаар түүний бизнес ч дажгүй явдаг аж. Гэр нь ердөө 10 км-ын зайтай байрлах жижиг тосгонд байдаг тул уг эр шөнийн цагаар дэлгүүрээ хаагаад гэрлүүгээ явж амардаг байв. Гэвч нэгэн өдөр тэрээр гэрээсээ гаран өөрийн ажил дээрээ ирхэд дэлгүүрийнх нь цонх, шилийг нь хагалж дотроос нь их хэмжээний шинэ дугуй хулгайлчихсан байжээ.
Сандарч тэвдсэн эр цагдаа дуудаж цагдаа нар ч ирэхэд түүний камерыг шалгаж үзье гэхэд харамсалтай нь дэлгүүрт нь камер байдаггүй байсан тул цагдаа нар түүнийг камер авахыг зөвлөөд чадлаараа хурдан хайж олно хэмээн явав. Хэд хоногийн дараа шинэ бараа татаж мөн шинэхэн камеруудаар зэвсэглэсэн эр нүүр бардам дэлгүүрээ хааж гэртээ харьж унтлаа. Өглөө ажил дээрээ ирэхэд мөн л дээрэм орсон байдалтай байх аж. Ийнхүү цагдаа дуудаж хамтдаа камер шүүж үзсэний эцэст хулгайч нарыг цагдаа нар өмнө нь хэлсэн шигээ хурдан олохыг хичээнэ гэж хэлээд л явав. Гэвч ямар ч үр дүн гаралгүй байсаар л.
Ийнхүү мань эр арга барж 1997 оны 8-р сард хоёр добермэн үүлдрийн тулаанч нохой худалдаж аван дэлгүүр дотроо сул тавиад шөнө гэртээ харьдаг болов. Эхэндээ бүх зүйл гэмгүй сайхан байсан боловч 8-р сарын нартай нэг өглөө ажил дээрээ ирэхэд ажил дээр нь мөн л хулгай орсон байв. Энэ удаа түүний тулаанч хоёр нохойг дугуйнуудтай нь хамт хулгайлчихсан байлаа. Эдгээр бүх дарамт болон доромжлолыг тэвчиж чадалгүй уг эр өөрийнхөө дэлгүүрийг хаахаас өөр аргагүй байдалд хүрсэн гэдэг.
