Бүсгүй хүний 23 хэв шинжийг магтдаг, өөрөө ч тэр хэв шинжээ бүрдүүлсэн, уян наалинхай,өрөвч хөтлөгч, мацагтан, УИХ-ын гишүүн П.Анужин яг цагаа тулахаар хэрэггүй л байдаг юм байна. Нэвтрүүлгийн хөтлөгчөөр ажиллаж байхдаа хамгийн уян бүсгүй, энхрий ялдам аалиараа эрхгүй ялгарч, олны хайр хүндэтгэлийг хүлээгээд байсан тэрээр улс төрд мөн л бүсгүй хүний давуу талаа ашиглан, уран үгээрээ урхидсаар парламентийн нэг суудлыг эзэгнэх болсон.
Өөртэй нь адилхан бүсгүй хүн дун өвлийн хүйтэнд байгаа хувцастайгаа хөөгдөх шахам гарахад иргэд өнөө уян, эр зоригтой бүсгүй П.Анужинг сураглаж байлаа. Гэвч тэр энэ цаг мөчид юу ч хийсэнгүй.
Хаана байна өнөө бүсгүйчүүдээ төлөөлөх эмэгтэй гишүүд. Хүүхдээ эмчлүүлэхээр хил давсан Д.Өнөрболор гишүүн адилхан хүүхдээ хамгаалахыг хичээж буй бүсгүйг юу гэж бодсон бол. М.Оюунчимэг намаа өмөөрч, зарим нэг нь суулт зарлаж, эх хатан тэргүүтэй хүмүүс өнгөрсөн хэдхэн хоног жинхэнэ гүүр царайгаа харуулав. Уг нь ийм л цаг үед бөөндөө эх, үр хоёрын төлөө үг дуугарах эзэд байж саарал ордондоо шигдсээр, иргэд рүү харуулж сууна даа.
