1942 онд буюу дэлхийн дайны гал эд дүрэлзэж Европ хэмээх томоохон театрт үхэл амьдралын төлөөх бурхны найруулсан хувь тавилангын тоглолтууд өрнөж байх үед энэ бүхэн болжээ. 1942 онд АНУ-ын Холливууд 1912 онд болсон домогт Титаник хөлөг онгоцны анхны хувилбар болох Casablanca киног дэлхий нийтийн хүртээл болгов. Тухайн кино нь ЗХУ болон Германы холбоотон болох тэнхлэгийн гүрнүүдээс бусад бүхий л соёл иргэншилт ертөнцөд гарсан гэж хэлж болно. Харин тэнхлэгийн гүрнүүд тус киног капиталист үзэл суртал хэт шингэсэн хэмээн үзэж ор тас хориглож Америкийн урлагийг шүтэгчдийг эх орноосоо урвагч хэмээн зарлах шийдвэр гаргав.
Яг энэ цаг үед Адольф Гитлер ард түмний дайчин чанарын нэмэгдүүлж, эх орныхоо төлөө алтан амиа өгөхөөс буцахгүй хүмүүсийг бий болгохын тулд тэдэнд урлагаар нөлөөлөх ёстой гэдгийг сайтар ойлгожоо. Иймд тухайн онд Joseph Goebbels-д 1912 оны Титаникийн сүйрлийг харуулсан Титаник киног Герман хэв маягаар хийж бүтээх даалгавар өгөв. Гэхдээ энэ бүхэн энгийн нэг кино биш бөгөөд үзэл суртлын асар том зэвсэг болох ёстой байлаа. Үнэхээр ч тус бүтээл нь үзэл суртлын асар том зэвсэг болж чадсан юм.
Бүх үйл хэтэрхий давчуу байсан тул 1943 он гэхэд “Нацист Титаник” киног хийж дуусган Герман болон тэдэнд эзлэгдсэн орнуудын кинотеатраар гаргаж хүмүүсийг ямар ч үнэ төлбөргүй, заримыг нь бүр хүчээр үзүүлж эхлэв. Гэвч Goebbels нэг зүйлийг алдсан нь кино бол урлаг гэдгийг мартсан байлаа. “Нацист титаник” нь хэтэрхий их үзэл суртал шингэсэн бөгөөд бүр хүний төсөөлөлд буумааргүй уран зөгнөлт тэнэглэлээр дүүрэн бүтээл болжээ. Гол дүрийн эрэгтэй нь Орос, түүний хайрт эмэгтэй нь Англи хүн. Тэд хоёул бие биедээ хайртай мэт боловч тэдний хайр нь далд өдөөн хатгалга, нэгнийхээ дээр гарах гэсэн бодол, эд мөнгөний өрсөлдөөн дээр тогтоно. Гэвч амьдрал дээр жинхэнэ хайрын хувьд ийм зүйлс хэзээ ч байдаггүйг бүх хүн мэдэж байв. Түүнчлэн бие биендээ хайртай ч юм шиг хайргүй ч юм шиг явсаар эцэст нь онгоц живэх мөчид нэгнийхээ Англи бүсгүй Орос эрэгтэйгээ өөрийнхөө өмнөөс үхүүлэхийг хүсэхэд Орос залуу бүсгүйн ар нуруунаас нь хутга дүрж эцэст нь хамтдаа капитализмын гүн хөх тэнгэрт живсэн байна. Харин тэднийг живүүлсэн хөлөг онгоц нь “Нацист Титаник” аж.
