ЛИД: Энэ бол биологийн шинжлэх ухааны түүхэнд ердөө хоёр удаагийн тохиолдлоор л бүртгэгдсэн генийн гажуудлын үр дүнд үүссэн амьтан аж. Хэн мэдэх билээ эрт цагийн хүмүүс уг амьтны үзэсгэлэн төгөлдөр өөр нэгэн хувилбартай нь учирч дурлан лусын дагинын түүх үүссэн ч байж мэдэх.
Ноёр Барнумын атгасан “лусын чөтгөр”
19-р зууны шоубизнесийн хаан, гайхамшгийг бүтээгч, нэр алдар нь олон зуун жилийн турш хүн төрөлхтний оюунд шингэн үлдсэн шидэт эр Барнумыг түүний “гажгуудын цирк”-ээр нь бид бүгд дэндүү сайн мэднэ. Тэгвэл Барнум гэх эрд дэлхий дээр хоёрхон бүртгэгдсэн маш ховор төрлийн нэгэн амьтан байдаг байлаа. Түүнийг “Feejee-ын лусын дагина” хэмээн хүмүүс нэрлэх болов. Гэхдээ уг амьтны байгаа байдлыг харахад дагина гэхээсээ илүүтэйгээр далайн мангас, чөтгөрийг санагдуулна.
Уг амьтныг Номхон далайн бүс нутгаас загас агнуурын хөлөг онгоц санамсаргүй байдлаар олж үүнийг нь ноён Барнум далайчдаас өндөр үнээр худалдан авч уг гайхамшигт амьтнаар бүр ч их мөнгө хийсэн түүхтэй. Тэгвэл уг амьтан нь байгалын шинжлэх ухаанд албан ёсны нэргүй бөгөөд чухам амьтны аймгийн аль ангилалд багтахыг ч одоог хүртэл эрдэмтэд тодорхойлоогүй байна. Түүний доод бие нь яг л загас мэт боловч дээгүүрээ хөхтөн амьтны бүтэцтэйгээс гадна бүр хоёр гартай байв. Гэвч уг амьтан усанд л амьдардаг байжээ.
Эрдэмтэд Feejee-ын далайн мангасыг усны амьтан, хөхтөн амьтан хоёр холилдож мутацт орон үүссэн цөөн тохиолдлын нэг хэмээн үзсэн байна. Учир нь далайн амьтанд хэзээ ч үс ургадаггүй бол уг амьтан хөхтөн амьтны үстэй байсан нь хачирхалтай. Мөн дутуу хөгжсөн хоёр гар болон хурц шүднүүд, үзлийн муухай царай нь хүн бүхэнд чөтгөрийг санагдуулах тул уг амьтныг үзэхийн тулд мөнгөө үрэх хүмүүс АНУ-ын өнцөг булан бүрт байсаар байв. Гэвч ямар ч зүйл мөнх бус байдаг учир Feejee-ын чөтгөр ч мөн хорвоог орхисон түүхтэй.
Гэвч түүнийг нас барсны дараа цогцсыг нь занданшуулж мөн л шилэн доторх үзвэр болгон Барнумын нэрэмжит гажгуудын музейд зоосон байна. New York хотод байрладаг байсан тус музейн чөтгөр 1842 онд ор сураггүй алга болсон аж. Ноёр Барнум ямар ч тайлбар хэлээгүй боловч түүний музейд гарсан их түймрийн гайгаар Feejee-ын мангасын цогцос ч мөн шатсан хэмээн хүмүүс таамагладаг байна. Харин нөгөө тохиолдол нь 1822 онд Японы далайчин үүнтэй төстэй гаж амьтныг олж Америк худалдаачинд 6000 доллараар зарсан нь London-д хүргэгдэж хүмүүсийн хүртээл болж байжээ.
