УИХ-ын гишүүн П.Анужинг “Мацагтан Монгол” фэйсбүүк группийг хөтлөн явуулдаг гэдгийг мэдэхгүй хүн ховор. Тэгвэл эрхэм гишүүн тойргийн бүсгүйчүүдээ уриалж, хамтдаа мацаг эхлүүлэхээр болсон байна.
Тэрбээр энэ талаараа өөрийн нийгмийн сүлжээндээ “Саяхан 30-аад хоногийн мацаг бариад дууссан. Ойрмогхон хүсэлт тавьсан тойргийнхоо бүсгүйчүүдтэй ханьсаж 24 цагийн мацаг зааж, хамтдаа барина” хэмээн нийгмийн сүлжээндээ бичжээ. Ийнхүү П.Анужин гишүүний тойргийнхон удахгүй мацагнууд болох нь ээ.
Өнгөрсөн амралтын өдрүүдэд нийгмийн сүлжээнд “Богд Зонхов” цогцолборыг 32 тэрбум төгрөгөөр барихаар болсон мэдээлэл нийгмийн сүлжээнд шүүмжлэл дагуулсан юм.
Улмаар Соёлын сайд нь Ч.Номин энэ төсөлд ганц төгрөг зарцуулахгүй гэдгээ мэдэгдсэн. Тэгвэл Ерөнхийлөгч Тэгвэл УИХ дахь МАН-ын бүлгийн дарга Д.Тогтохсүрэн энэ тухай: “Засгийн газар 2022 оны улсын төсвийг УИХ-д өргөн барихдаа энэхүү цогцолборын санхүүжилтыг Соёлын сайдын багцад оруулж ирсэн.
Иргэдийн зүгээс маш их шүүмжлэл ирж буйтай холбоотойгоор Ерөнхийлөгч нэр бүхий хүмүүсийг дуудаж чиглэл өгсөн. Үүний дагуу Засгийн газар “Богд Зонхов” цогцолборт төсөвлөгдсөн хөрөнгийг царцааж, эрүүл мэндийн салбарт зориулах шийдвэрийг ойрын үед гаргахаар болжээ. Засгийн газар Төсвийн тухай хуулийн нэмэлт, өөрчлөлтийг ойрын үед УИХ-д өргөн барьж, шийдвэрлүүлнэ” гэлээ.
