Бас нэгэн шуугиан тарьсан суутан бол Америкийн хөдөө тал нутгаас төрсөн утга зохиолын салбарын суутан болох Stephen King юм. Тэрээр аймшгийн зохиолууд бичдэг бөгөөд бичсэн ном бүр нь бестселлэр болж мөн уран сайхны бүрэн хэмжээний кино хийгддэг аж. Номынх нь борлуулалтын хувьд дэлхий даяар нийт 360 орчим сая хувь борлогдож авьяас чадвараараа саятан болсон нэгэн. Та бүхэн түүний зохиолоос сэдэвлэн бүтээсэн дэлхийн хамгийн шилдэг киноны нэг болох “Шавшанкаас оргосон” “Манан” “тэжээвэр амьтдын оршуулгын газар” зэрэг бүтээлүүдээр нь сайн мэдэх байх.
Тэгвэл уг зохиолч маань 1999 оны 6-р сарын 19-ны өдөр New York хот дахь гэрээсээ гарч явж байхад нь түүнийг жижиг оврын ачааны машин санамсаргүй ослоор мөргөж түүнийг 4 метр хол шидсэн аж. Ослоос болж түүний хавирга болон зүүн хөл нь хугарч уушгинд нь их хэмжээний цус хуржээ. Гэмтлийн зэрэг ноцтой байсан тул ачааны машины жолоочоос хохирол барагдуулах гэтэл өнөөх жолооч нь амьдралаа арай гэж залгуулж буй тарчигхан нэгэн байсан тул Stephen King уур нь хүрч түүнийг шууд л явуулсан байна.
Удаан хугацааны турш эмчилгээ хийлгэж бүрэн эдгэрсний дараа тэрээр өөрийг нь мөргөсөн машинтай яг ижилхэн цагаан өнгийн жижиг оврын тэрэг худалдан авч өөрийн эдлэн газартаа авчирж байгаад бейсболын цохиураар машиныг тэр чигт нь балбаж, юу ч үгүй эвдлэн сүйтгэж сэтгэлээ тайтгаруулсан байдаг. Уг үйлдэл нь түүнийг бусдаас өвөрмөц сэтгэдэг яалт ч үгүй аймшгийн зохиолч хүн гэдгийг нь олон нийтэд харуулсан байна.
