Монгол Улсад “NoDouble standart” тэргүүтэй иргэний бүлгүүд болон МОХ-ны залуу гишүүд Засгийн газартаа огцрохыг шаардаж, жагсаал хийсэн байна” хэмээн БНСУ-ын Үндэсний сайтад мэдээлжээ.
Тус сайтын онцолсон мэдээлэлд: Жагсаалд оролцогч иргэдийн нэг нь “2020, 2021 он бол хүний эрх зөрчигдсөн, эдийн засаг доройтсон, эмэгтэйчүүдийн эрхийг ноцтой зөрчсөн жил байлаа. Монгол Ардын Намын дарлалд хоёр жилийг үдлээ.
Өнөөдөр иргэд орлогогүй, хөргөгч нь хоосон, хүнсний захууд бараагүй байна. Гэтэл Монгол Улс хөгжиж байна гэж зурагтаар л харж байна. ЖДҮ-тэй холбоотойгоор ажлаа өгсөн Ч.Содбаатар өдгөө Ерөнхийлөгчийн Тамгын газрын даргаар ажиллаж байна. Ийм хүмүүстээ хариуцлага тооцох ёстой ч үгээ хэлсэн залууст хариуцлага тооцдог.
Хариуцлага парламентаас эхлэх ёстой. Амьдрал дээд цэгтээ хүрсэн гэх залуус гэмт хэрэгтэн биш. Бид төртэй тэмцээгүй. Улсын нэрийг хулгайлж, давхар эрх эдэлж байгаа хүмүүстэй тэмцэж байна.
Хүний эрхийн асуудлаар нээлттэй сонсгол явуулах хүсэлт гаргасан ч Н.Учрал нарын гишүүд хаалттай хуралдсан. Тиймээс бид 2022 онд улс орноо нэгтгэх, шударга ёсыг тогтоох, хүний эрхийг хамгаалах жил болно. Засгийн газрыг огцруулахыг шаардаж байна.
Монгол Улсад нөхцөл байдал хэцүү байна. Зарим иргэд коронавирусээр нас барж, зарим нь ажилгүй болсон байна. 2022 оны нэгдүгээр сарын 7-ноос УИХ-ын дарга Г.Занданшатарыг огцрох хүртэл Л.Оюун-Эрдэнийн Засгийн газартай бүтэн жил тэмцэнэ.
Бид засгийн газраас Ковид хуулийг хүчингүй болгохыг шаардаж байна. Тиймээс бид Засгийн газрыг огцруулах хүртэл тэмцэнэ. Эмх замбараагүй байдал үүсгэхгүйгээр төрийг огцруулах тэмцэлд нэгдэх залууст анхааруулмаар байна. Наадмын эсрэг жагсаал хийж байгаа шигээ Засгийн газрыг соёлтойгоор огцрох хүртэл хүлээх ёстой гэдгийг хэлмээр байна” гэжээ.
“Ийнхүү ардчилсан тогтолцоот Монгол Улсад нэг нам дарлаж, иргэдийн амьдралыг хааж, боож байгаа талаар бид мэдээллээ” хэмээжээ.
