Ухаалаг гар утас бий болсноор хүн төрөлхтний нийгмийн амьдралыг бүхий л түвшинд эрс өөрчилсөн гэж хэлж болно. Тэгвэл эдгээр өөрчлөлтүүдийн хамгийн том бөгөөд хамгийн энгийн өөрчлөлт бол сэлфи камер. Анх 2003 онд дүрсээ харж ярилцах зорилготойгоор уг камерыг байршуулж эхэлсэн боловч сэлфи нь тренд болж дэлхий нийтийн фото зургийн хэв маягийг өөрчилнө гэж хэнэ мэдэх билээ. Гэвч үнэн хэрэгтээ дэлхий дээрх хамгийн анхны сэлфи камерыг 1839 онд АНУ-ын зохион бүтээгч Robert Cornelius зохион бүтээсэн байдаг.
Түүний цаг үед зохион бүтээсэн камерууд нь аливаа гэрэл зураг авахын тулд 10-15 минутын турш тухайн байг хөдөлгөөнгүй зогсоож байж чанартай зураг дардаг байжээ. Мөн тухайн үед гэрэл зургийн аппараттай хүн тун цөөхөн байсан тул тэрээр анхны гэрэл зургийн студийг нээж удалгүй салбараа байгуулж АНУ даяар нилээд нэр хүнд, хөрөнгө мөнгийг өөртөө хурааж байсан юм. Гэвч аж үйлдвэрлэл хөгжиж хөдөөгийн Америк улс дэлхийн хамгийн хүчирхэг гүрэн болох явцад үүссэн салхийг даган бүхий л төрлийн технологийн дэвшил асар хурдтай хөгжиж эхэллээ. Гэрэл зургийн салбар ч үүнийг дайрсангүй. Иймд 1850 оноос эхлэн гэрэл зургийн хэрэгсэл илүү олон хүний гарт очих боломжтой болсноор фото зургийн студиүд борооны дараах мөөг шиг л дэлгэрсэн байна.
Эцэст нь 1893 оны 8-р сарын 10-ны өдөр анхны сэлфи хийсэн эрхэм болох Robert Cornelius өөрийн гэртээ амар тайван нас барсан юм. Гэвч өдөр өдөрт нээгдэх гэрэл зургийн бизнес улам бүр өрсөлдөөнтэй болсон тул 1877 он гэхэд тэрээр хэдийнээ өөрийн байр сууриа залуу үеийнхэндээ тавьж өгсөн байжээ.
