1959 оны 8-р сард Канадын Оттава хотын олон улсын нисэх буудлын нээлт болохоор төлөвлөгдөөд байлаа. Уг үйл ажиллагаанд Канад болон Их Британы дээд удирдлагууд тун их анхаарал хандуулж ач холбогдол өгч байсан тул АНУ-аас нээлтийн үйл ажиллагаанд зориулж F-104 байлдааны сөнөөгч онгоцнуудыг тусгайлан авчирхаар болжээ. Иймд АНУ-ын батлан хамгаалах яам хөрш зэргэлдээ орших холбоотон улсад зориулан хойд мужуудын цэргийн тойргоос 6 ширхэг онгоц нисгэсэн байна.
Уг онгоцнууд Оттава-ын нисэх буудалд газардах ёстой байсан бөгөөд нисэн явсаар Оттавагийн нисэх буудлын хажуугаар дууны хурдаар нистэл дөнгөж нээгдэхээр будаг нь ханхалж байсан шил толь болсон цэмбэгэр онгоцны буудлын шилнүүд онгоцны хурдны долгионыг тэсвэрлэлгүй тэр чигтээ хагаран газарт унасан аж. Иймд уг нисэх буудлын нээлтийн ажиллагааг 1960 он хүртэл хойшлуулж нэг жилийн турш засвар хийж, дууны хурдны долгионд тэсвэртэйгээр сэргээн засварласан байдаг.
Харин энэ бүхнийг тооцоолж чадаагүй инженерүүдийн багт шийтгэл оноох гэсэн боловч инженерууд хариуд нь эсэргүүцэж засгийн газраа шүүхэд өгсөн ажээ. Учир нь анхнаасаа байлдааны нисэх онгоцонд зориулсан тэсвэртэй онгоцны буудал барина гэж ажил гүйцэтгэх гэрээнд заагаагүйн дээр ямар ч хэрэггүй байлдааны онгоц авчир хийсэн бүх хөдөлмөрийг нь нураасанд нь гомдон хариу шүүхдсэн юм. Гэвч удалгүй хоёр тал эвлэрч хэн ч хариуцлага хүлээлгүй өнгөрч өнөөх инженерүүд нь уг барилгыг сэргээн засварласан байна.
