Канад улсын Онтариа мужид нэгэн өвөрмөц тайчих клуб байдаг гэнэ. Уг тайчих үзүүлбэрийн байрыг Христын шашны номлогч эр эзэмшдэг бөгөөд олон жилийн турш шашиндаа үнэнчээр сүмээ ажиллуулан явуулсаар иржээ. Гэвч сүүлийн жилүүдэд эдийн засгийн асуудал нэн хүндрэлтэй болж эхэлсэн тул тэрээр мөнгө олох ямар нэгэн арга сэдэж эхэлжээ. Иймд түүний байдаг тосгоны иргэд зөвхөн бүтэн сайн өдөр л тосгоноороо цугларч сүмийн дуу дуулж мөргөл үйлдэж бусад өдрүүдэд сүм нь ашиглагддаггүй тул байгаа объектоо ашиглахаар шийдсэн аж.
Иймд тэрээр ням гаригаас өөр долоо хоногт хоёр өдөр түрээслүүлэх зар тавьсны дагуу нэгэн баян эр ирж ламтантай тохиролцсоноор уг сүмийн байранд баасан болон бямба гаригуудад тайчих үзүүлбэртэй бар, шөнийн цэнгээний газар ажиллуулахаар болжээ. Харин Бямба гаригийн үүрээр бар хаасны дараа барны ажилчид бүх тавилгийг зөөж яг сүм хэлбэрт нь оруулан өглөөний 9 цаг гэхэд санваартанд хүлээлгэн өгдөг байна. Түүний үйлдэл тосгоны иргэдийн зүгээс нилээдгүй хэл ам дагуулсан боловч тэрээр хариуд нь ердөө “амьдрал шүү дээ” гэсэн үг л хэлдэг гэнэ.
Харин анх 2013 онд түүний эхнэр мөнгө олохын тулд ямар нэгэн зүйл хий гэж нөхөртөө хэлж нөхөр нь удаан бодсон боловч ямар ч санаа орж ирээгүй тул эхнэр нь хоосон сүмээ ашигла гэх сэдэл өгчээ. Ийнхүү эхнэрийнхээ хэлснээр сүмээ ашиглаад тайчих бар ажиллуулж мөнгө олж байгаа нь энэ. Түүнчлэн өнөөдрийг хүртэл уг бар яг энэ зарчмаараа ажилласаар байгаа гэнэ.
