Түүнийг Blanche Monnier гэх бөгөөд хайр дурлалынхаа төлөө нэг насны амьдралаа үгүй хийсэн бүсгүй. Тэрээр 1849 онд Франц улсын нийслэл Парис хотод төрж улмаар нас биед хүрсэн үедээ нэгэн хуульч залууд хайр сэтгэлтэй болон гэрлэхээр шийддэг. Гэвч түүний ээжид охиных нь сонголт огт таалагдаагүй тул төрөл бүрээр тэдний хайр сэтгэлийг хориглох гэж хичээсэн ч амжилт олсонгүй.
Иймд асар их хөрөнгө болон нөлөөтэй ээж нь охиноо зүгээр л өөрийн аргаар зохицуулчихсан байна. Энэ явдлаас хойш охиныг хэн ч хараагүйгээр барахгүй хайртай залуугаа дагаад аль нэг газарт амьдрахаар зугтсан байх гэж хүмүүс ярих болжээ.
Гэвч 1901 оны 5-р сарын 23-ны өдөр Парисын ерөнхий прокурорын гарт нэг хүн шоронд хоригдоод байгаа талаар захиа ирж харин захиал илгээсэн хүн нь нэр, хаяг бүх зүйлээ нууж гагцхүү хаана хоригдож байгаа хаягийг л бичсэн байна.
Ерөнхий прокурор сэжүүрийн дагуу цагдаагийн хүчнийхнийг дайчлан хаягийн дагуу очиход хүн бүхний танил алдарт сурган хүмүүжүүлэгч хөгшин авгай байсанд прокурор ихэд гайхсан боловч нэгжиж үзэхээр шийдэж хүч түрэн гэрт нь оржээ. Ийнхүү гэрийг нь бүтэн нэгжсэний үр дүнд тэндээс 25 кг жинтэй болтлоо турсан хөөрхийлөлтэй нэгэн бүсгүйг олсон аж.
Бүсгүйг аварсны дараа 25 жилийн өмнө алга болсон Blanche Monnier мөн болохыг тогтоож төрсөн эх нь энэ бүх хугацаанд нийгмээс тусгаарлаж харанхуй өрөөнд хорьж байсан нь ил болжээ. Уг явдлаас хойш 11 хоногийн дараа түүний эх нь шорон дотор нас барсан бол төрсөн ах нь шүүх хурлаар орж ял аван хоригдсон байна.
Харин бүсгүй сэтгэцийн эмгэгтэй болсон тул яаж ч дахиж нийгэмшүүлэх гээд нэгэнт оройтсон байв. Иймд түүнийг сэтгэцийн эмнэлэгт шилжүүлж 1913 оны 10-р сарын 13-ны өдөр тэндээ нас барсан эмгэнэлт түүхтэй юм.
