Эзэнт гүрний барилга хэмээх нэрээрээ дэлхий нийтэд алдаршсан New York хотын 102 давхар барилгийг нэгэн цагт байлдааны бөмбөгдөгч онгоц мөргөж байсан гэвэл та итгэх үү? Үйл явдал 1945 оны 7-р сарын 28-ны өдөр болсон бөгөөд William Franklin Smith-аар жолоодлогоор Bedford-ын цэргийн ангиас Newark нисэх буудлын зүг нисэж явсан байлдааны зориулалттай B35 онгоц уг санамсаргүй ослыг үйлдсэн байна. Тухайн өдрийн өглөө тэнгэр тун бүрхэг тул үзэгдэх орчин туйлын хязгаарлагдмал байжээ. Онгоц Chrysler барилгыг өнгөрөөд зүүн тийш эргэх ёстой байсан боловч жолооч залуурыг баруун дарснаар Empire State цамхгийг мөргөхөд хүрсэн аж.
Онгоц уг барилгыг хойд талаас нь 78-80 давхрын хооронд дайг мөргөж 6-7 метр диаметртэй томоохон нүхийг үүсгэжээ. Уг ослоос болж барилга дотор түймэр дэгдэж дөнгөж нээгдээд байсан дуу бичлэгийн студи тэр чигтээ шатсан байна. Мөн гал түймэр цахилгаан шатанд зорчиж байсан хүмүүст хүрч онгоцны жолоочоос гадна нийт 14 хүн амиа алдсан хэмээн тооцоолж байв. Гэвч осол болсноос 2 хоногийн дараа армын нисэх хүчний инженер Albert Perna болон Christopher Domitrovich нарын цогцсыг онгоцны бөгс хэсгээс олжээ. Хамгийн сонирхолтой нь бөгс хэсэг нь тасарч цахилгаан шат уруу унасан байв.
Тухайн үед зэргэлдээ цахилгаан шатны оператор Betty Lou Oliver нэгэн бүсгүйг дээш зөөвөрлөж байсан боловч гэнэт осол болж цахилгаан шатны утас тасрах үед бүсгүй дуу алдсаар 75 давхраас доош бүх эрчээрээ унасан аж. Гэвч уг бүсгүй амьд үлдэж чадсан бөгөөд тэрээр цахилгаан шатан дотор хамгийн өндрөөс унаж амьд үлдсэн хүн хэмээн Геннисийн номд бичигдсэн байдаг. Хэдий ноцтой осол болж олон хүн амиа алдаж байшинд томоохон нүх үүссэн боловч Даваа гаригаас тус барилга дахь албан байгууллагууд үйл ажиллагаа хэвийнээр явуулж эхэлжээ. Empire State барилгын осол нь өндөр барилгыг онгоц мөргөхөд ямар үр дүн болдгийн хамгийн тод жишээ болсон юм. Тэгвэл хуйвалдааны онолд итгэгчдийн хувьд 2001.09.11-ны худалдааны ихэр цамхгийн террорист халдлага нь АНУ, ТЕГ хамтран зохион байгуулсан дотоодын алан хядах ажиллагаа гэх таамгийг нь улам бататгаж өгдөг байна. Учир нь 2001 оны халдлагын үеэр онгоц чанх дээрээсээ доошоо бүх баганууд нь дэлбэрсэн мэт шууд л нэгэн жигд тэсэлгээний үр дүнд нурж буй мэтээр сүйрсэн бол уг бөмбөгдөгч онгоцны ослоор барилга хэзээ ч чанх дээрээсээ шууд нурахгүй гэдгийг тодоор харуулсан хэрэг явдал болжээ.
