Эхний зурагт харагдаж буй эрийг АНУ-ын иргэн Gary Brooks Faulkner гэх бөгөөд 2010 оны 6-р сарын 15-ны өдөр Афганистаны хилийн ойролцоо сэлэм эргүүлж яваад орон нутгийн цагдаагийнханд баригджээ. Түүний бичиг баримтыг шалгаж үзэхэд жуулчны визтэй байсан бөгөөд биед нь нэгжлэг хийхэд Осама Бин Ладений зураг гач ирсэн байна. Афганистаны хилийн хяналтынхан түүнийг саатуулж тусгай байшинд оруулан дайн байлдаантай бүс нутгаар ямар учраас сэлэм эргүүлж явсан тухай байаасан байдаг.
Тэрээр цагдаа нарын асуусан асуултад Осама Бин Ладенг устгах зорилготой уг сэлмийг Кабул хотоос 10 доллараар худалдаж авсан хэмээн мэдүүлжээ. Цагдаагийн албан хаагчид гайхан хэн тийм тушаал өгснийг асуухад тэрээр өөрөө өөртөө өгсөн хэмээн хариулжээ. Афганистаны нутагт засгийн газар болон босогчдийн хооронд ширүүн тулаан өрнөж байсан тул түүнийг хүчээр нутаг буцаасан аж. Ингээд болоогүй түүний паспорт дээр Афганистан улс хар тамга даран дахин нэвтрэх эрийг нь тэр чигт нь хаажээ.
Гэвч азгүй залуу эх орондоо очоод шоронд оржээ. Учир нь тэрээр гэртээ ирсэн ч Осама Бин Ладенг устгах бодлоо орхилгүйгээр барахгүй хууль бусаар Оросын мафиас галт зэвсэг худалдан авч байгаад үйлдэл дээрээ баригдан шийтгүүлсэн байна. Шүүхээс түүнд сэтгэцийн сорил хийлгэсэн боловч эв эрүүл гэж гарсан тул галт зэвсэг хууль бусаар худалдан авах гэж завдсан гэх үндэслэлээр шоронд хорьсон байдаг. Хамгийн сонирхолтой нь тэрээр Бин Ладентай ямар нэгэн хувийн өс хонзонгийн ямар ч холбоогүйгээр барахгүй хамаатан саднаас нь хэн ч Афганистаны дайнд амь үрэгдэж ямар ч муу зүйл учраагүй байсан гэнэ.
