Жүжигчин Marlon Brando бол “Загалмайлсан эцэг” киноны гол дүрээрээ хүн төрөлхтний сэтгэл зүрхэнд мөнхөд үлдэж чадсан гайхалтай нэгэн. Хүмүүс уг киноны дүрээр сайн мэдэх болохоос биш амьдрал дээрх Marlon Brando-г тэр бүр мэдээд байдаггүй. Тэгвэл түүнд 1973 оны 3-р сарын 5-ны өдөр уг гайхалтай бүтээлээрээ Оскарын шилдэг эрэгтэй дүрийн шагналд нэр дэвшүүлэн эцэст нь шалгарч чадсан байна. Тийм ээ тэрээр 1973 оны Оскарын шилдэг эрэгтэй жүжигчний шагналыг авсан юм.
Гэвч шагнал гардуулах мөчид хэний ч төсөөлөөгүй зүйл болжээ. Marlon Brando өөрөө хэдийгээр шагнал гардуулах ёслол дээр биеэрээ ирсэн байсан боловч тайзан дээр өөрөө гарч шагналаа авахаас татгалзсан юм. Харин өөрт олгогдсон цагаа нэгэн Индиан эмэгтэй жүжигчинд өгөн уг Индиан бүсгүй тайзан дээр гарч дэлхий даяар нийт хүн төрөлхтөнд үг хэлсэн түүхтэй. Уг бүсгүй хүний эрх, эрх чөлөө, ялгаварлан гадуурхах үзлийн тухай 10 орчим минут лекц уншсан байдаг.
Учир нь тухайн үед нийгмийн бүх салбарт уугуул иргэдийн эрхийг ноцтой зөрчин ялгаварлан гадуурхаж байлаа. Угтаа бол Америк тив Индианчуудын эх орон, анх Колумб тус тивийг нээхээс өмнө олон мянганы турш өвөг дээдэс нь амьдарч, өөрсдийн соёл иргэншлийг байгуулан амьдарч ирсэн. Гэвч өнөөдөр Америкчууд Индианчуудын нутгийг дээрэмдээд зогсохгүй тэднийг доромжилж, хөнөөж, нийгмийн хамгийн идэвхгүй архичин хэсэг болгож байгаа нь Marlon Brando-ын дургүйцлийг хүргэсэн тул ийм зоримог алхам хийсэн түүхтэй.
