2010 онд 12 настай Пол Жингерич-д 25 жилийн хорих ял оноожээ. Найзынхаа хойд эцгийн аминд хүрснээр тэрээр ийнхүү чанд, хатуу ялыг сонссон байна. Түүнийг яг л насанд хүрсэн хүн шиг шүүсэн бөгөөд 37 насандаа л суллагдах нь. Хэдийгээр хүүгийн хийсэн гэмт хэрэг нь хүнд ноцтой ч насанд хүрээгүй хүүхдэд ийм олон жилийн ял оноож болох болов уу?…
АНУ нь муж мужуудаасаа шалтгаалаад гэмт хэргийн шүүн хэлэлцэх тогтолцоо нь харилцан адилгүй байдаг. Тэгвэл хэрэг болсон Индиана мужид энэ бүхэн боломжтой байж. Учир нь Индиана муж улсын хуулиар 10-аас дээш насны хүүхдийг насанд хүрсэн хүн гэж үзэн шүүх хуралд ердийн зарчмаар явдаг байна. Харин гэмт хэрэг болох болсон шалтгаан нь Пол 15 настай нэгэн найзтайгаа гадуур тоглох гэтэл түүний найзынх нь хойд эцэг нь хүүхдээ гаргахгүй байжээ. Иймд Пол өөрийн найзтайгаа хамт хойд эцгийг нь айлгахын тулд гар буу хулгайлан түүнийг сүрдүүлж байгаад эцэст нь хэрэг явдал санамсаргүй байдлаар хойд эцгийнх нь үхлээр төгссөн байна.
Хэдий бяцхан хүү 25 жилийн ялыг авсан ч Полыг Индиана мужийн хувьд бараг л хамгийн зөөлхөнөөр шүүсэн бололтой. Учир нь түүнд 65 жилийн ял ч оноох боломжтой байсан гэнэ. Эхний 3 жил Пол хүүхдийн хорих ангид хоригдох бөгөөд дараа нь насанд хүрэгчдийн хорих анги руу шилжих юм байна. Полын эцэг эх нь хүүгээ хийсэн хэргийнхээ хариуцлагыг хүлээх ёстой гэж үзэж байгаа ч 25 жил хэтэрхий урт хугацаа байна гэж давж заалдах шатны шүүхийг хуралдуулсан байдаг. Гэвч энэ бүхэн ямар ч үр дүнд хүрээгүй юм.
