Лина Медина таван настайдаа хүүхэд төрүүлжээ. Одоогоор тэрбээр анагаах ухааны түүхэнд хамгийн залуу ээж болоод буй. Үүнтэй дүйцэхүйц тохиолдол нэгэн Орост ч гарч байсан баримт мөн бий. 1939 оны 1-р сараас эхлэн бяцхан охины хэвлий нь гэнэтхэн л томорч эхэлсэн тул таван настай Линаг эцэг эх нь эмнэлэгт үзүүлжээ. Эхлээд түүнийг хавдартай гэж байсан боловч удалгүй эмч нар түүнийг долоон сартай жирэмсэн болохыг тогтоосон байна.
Херардо Лосада эмч охиныг төрөхөөс нь өмнө бусад эмч нарт үзүүлж оношийг нь батлуулахаар Перугийн нийслэл рүү авч явсан аж. Гэвч яах аргагүй жирэмсэн болох нь бүх шинжилгээгээр ил болжээ. Тэгвэл охин хэнээс жирэмсэн болсон байж таарах бэ? Хамгийн түрүүнд түүний төрсөн эцгийг бүгд сэжиглэж эхэлсэн байна. Сар хагас өнгөрсний дараа 1939 оны тавдугаар сарын 14-нд тэрбээр хүү төрүүлсэн бөгөөд таазны хэсгийн хөгжил нь гүйцээгүй байсан тул кесарев хагалгаа хийж хүүг гарган авсан байна. Хүүхэд төрсний дараа шинжилгээ хийж үзэхэд түүний эцэг ямар ч буруугүй болох нт тогтоогдсон юм.
Хагалгааг Лозадо, Бусоллеу нар хийсэн бөгөөд нойрсуулагч эмчээр Колретто ажиллажээ. 2,7кг жинтэй төрсөн хүүд эх барьсан эмчийнх нь нэр болох Херардо гэж нэрийг өгсөн байдаг. Херардо Линаг өөрийнх нь төрсөн эгч гэж боддог байсан бөгөөд гагцхүү 10 настай байхдаа ээж нь болохыг мэдсэн байна. “Бяцхан ээж” эрүүл саруул өсөж торнисон боловч 40 настайдаа буюу 1979 онд нугасны өвчнөөр нас баржээ. Лина Медина хэрхэн жирэмсэлснийг огт баримтжуулаагүй үлдсэн аж. Тэрбээр хүүгийн эцэг хэн болох, хэрхэн яаж жирэмсэн болсноо хэзээ ч ярьж байгаагүй юм. Түүнээс 1975 онд Рейтерс агентлаг ярилцлага авах гэсэн боловч бүсгүй зөвшөөрөөгүй байсаар нас 
барсан түүхтэй.
