Тэртээх 1979 оны нэгдүгээр сарын 29-нд 16 настай Бренда Спенсер хэмээх охин галт зэвсэг хууль бусаар олж аван сургууль дээрээ гал нээж 8 хүнийг буудаж тэдний хоёр нь газар дээрээ амиа алджээ. Амиа алдсан хүний дунд сургуулийн захирал байсан бол буудуулж шархадсан хүмүүсийн дотор сургуулийн сурагчид болон нэг цагдаа байсан юм. Энэ хэрэг гарсан даруйдаа АНУ даяар жинхэнэ хэл амны бай, хамгийн том сэдэв болж эхлэв.
Азаар буудуулсан хүүхдүүдийг харсан хүмүүс түргэн тусламж болон цагдаа дуудсан гэдэг. Охиноос яагаад ингэх болсныг асуухад: “Надад нэгдэх өдөр огт таалагддаггүй” хэмээжээ. Цагдаа нар маш олон цагаар байцаалт авсан боловч үүнээс өөр хариулт авч чадаагүй тэд сэтгэцийн сорил явуулахад цоо эрүүл гэсэн онош илрэв. Ийнхүү тэд мухардалд оржээ. Зарим зүйлс магадгүй тийм ч чухал шалтгааны улмаас үйлдэгддэггүй байж болох юм. Энэхүү аймшигт хэргээс сэдэвлэн “The Boomtown Rats” хамтлаг “Би Даваа гарагт дургүй” буюу “I Don’t Like Mondays хэмээх дуугаа гаргасан байна.
1980 оны 4-р сарын 4-ны өдөр буюу түүнийг 18 нас хүрсний маргааш нь шүүх хурал болж 25 жилийн ял оноосон байдаг. Түүний хийсэн үйлдлийг удаан хугацаанд судалсны эцэст энэ нь сэтгэц, эмгэг судлалын ухаанд зан төрхийн эмгэг гэсэн бие даасан оноштойгоор эмчлэгдэх ёстой байдаг ч өвчин биш ажээ. Хүүхдийг хэт магтах, хэт дорой болгож өсгөх, өөртөө ямар ч итгэлгүй, зориггүй болгох нь бусдын дэргэд биеэ авч явах бэлтгэлгүй болгодог бөгөөд ийм аймшигт хэрэг хийх шалтгаан болсон байна. Тэрээр 2005 онд шоронгоос суллагдан өнөөдөр эрх чөлөөтэй амьдарч байгаа юм.
