1934 оны 8-р сарын 2-ны өдөр Германы ерөнхийлөгч Хинденбург нас барснаар Гитлер чухам шинэ аугаа дайны эхлэлд бэлдэж эхэлсэн гэж үзэх хүмүүс олон бий. Гэвч энэ нь зарим талаараа хэтэрхий өрөөсгөл ойлголт аж. 1933 оны үед өөрийн улс төрийн байр сууриа нэгэнт бүрдүүлчихсэн байсан Адольф Гитлер өөрийн итгэлт хүний нэг болох Гимлерт нэгэн маш нууцын зэрэглэлд хамаарах тушаал өгсөн нь Dachau-ын бөөнөөр нь хорих анги байгуулах тушаал байлаа. Энэ тушаалыг чухам ерөнхийлөгч тухайн цагт мэдэж байсан үгүйг хэн ч хэлж мэдэхгүй. Түүнчлэн хорих анги нээгдэхээс өмнө ерөнхийлөгч нас барж Гитлер төрийн эрхэнд гарсан.
Дэлхийн дайн эхэлтэл тухайн хорих ангид Германы Еврей иргэдийг хорьж эхэлсэн бөгөөд дэлхийн дайны дараагаас Австри, Польш, Франц зэрэг хөрш зэргэлдээ орнуудад амьдрах Еврей иргэдийг үй олноор нь хорьж эхэлжээ. Гэвч энэ нь хүн бүрийн бодсонтой адил энгийн нэг хорих анги байсангүй. Учир нь хорих ангийн даргийг доктор Клаузыг томилсон нь тэнд хоригдож буй хүмүүсийг ямар ирээдүй хүлээж байгааг маш тодорхой болгож өгсөн юм. Тухайн цаг үед Итали улс Германтай нэгдэн хойд Африкт эзлэн түрэмгийлэл явуулсны үр дүнд тэдний цэргүүд маш олноороо “малариа” өвчнөөр өвдөж эхлэв. Чухам энэ аюулыг зайлуулахын тулд доктор Клауз шийдэмгий хөдөлсөн байдаг.
1940 оноос эхлэн Африкаас зөөж авчирсан малариа өвчнийг хорих ангийн хоригдлуудад хэсэгчлэн зориудаар халдааж тэдэнд туршилтын эмчилгээ хийж эхлэв. Мэдээж Клауз эмч эмчилгээг олж чадаагүй учир хоригдлууд асар олноороо хэдхэн хоногийн дотор л үхэцгээж байлаа. Уг туршилтыг дайны сүүлчийн жил хүртэл хийсэн бөгөөд туршилтын үр дүнд 30,000 орчим Еврей хүмүүс зөвхөн малариа өвчний вирусээр Германы нутагт халдварлан үхэцгээсэн байдаг. 1945 онд Dachau-ын бөөнөөр нь хорих анги барууны холбоотны гарт орсноор доктор Клаузыг баривчлан тухайн жилдээ шүүх хуралд оруулж 1946 оны 5-р сарын 28-ны өдөр цаазаар авсан түүхтэй. Харин доктор Клауз хийсэн үйлдэлдээ хэзээ ч харамсаж байгаагүй, энэ бүхнийг эх орныхоо төлөө л хийж байсан хэмээн хэлсэн юм.
