1942 онд Герман улс эд амжилттай дайтаж байх үед Porsche компанийн үүсгэн байгуулагч Ferdinand Porsche их удирдагчид нэгэн гайхамшигт танкны загвар үзүүлсэн нь хуягт Maus танк байлаа. Гитлер түүний загварыг цөлийн үнэ хочит Роммель зэрэг өөрийн итгэлт фелдмаршалуудтайгаа хэсэг хэлэлцсэний үр дүнд тун таатайгаар хүлээн авав. Ийнхүү эх газрын үхлийн машин Maus танкийг Германы арми зэвсэглэлдээ нэвтрүүлэхээр 5 ширхгийг 1942 онд Porsche компаниар хийлгэхээр захиалсан түүхтэй.
Тус танкийг бэлэн болгоход 2 жилийн хугацаа зарцуулсан бөгөөд 1944 онд үйлдвэрээс ердөө 2 ширхэг л гарсан байна. Тухайн үед эх газрын ямар ч зэвсэглэл уг танкны хуягийг нэвтэлж чадахааргүй байснаас гадна 10 метр урттай, 3.71 метр өргөнтэй, 3.63 метр өндөртэй уг танкны 122 мм-ын тойрогтой хонгионоос аварга сум тухайн цагийн холбоотны бүхий л техникийг ганц буудалтаар газрын хөрснөөс арчиж чадахаар байлаа. Гэвч нэг сул тал нь уг танк хэтэрхий том тул цагт ердөө 20 км замыг л туулах дээд хүчин чадалтай байсан юм.
1944 онд үйлдвэрлэлээс гарсны дараа уг танкийг дайнд ашиглах боломжгүй болов. Нэгэнт холбоотнууд Германы эзэлсэн нутгуудыг чөлөөлж байсан тул эх оронд нь үлдээж хамгаалах байрлалт байлгасан нь өлзийтэй байлаа. Түүнчлэн өөр нэгэн шалтгаан нь уг аймшигт хүнд техник тухайн үеийн дэлхийн улсуудын аль ч замаар явахад тохиромжгүй байв. Бүхий л Европын зам болон гүүрнүүд уг техникийг даахгүй учир байршил сэлгэх тун хүндрэлтэй байсан аж. Хамгийн харамсалтай нь уг танк ердөө ганц ч удаа дайсны техник уруу гал нээж амжилгүй олзлогдож өнөөдөр ердөө музейн үзмэр болон үлдсэн байна. Гэсэн ч дэлхийн дээрх хамгийн том бөгөөд хүчирхэг танк гэсэн байр сууриа хадгалсан хэвээр байгаа юм.
