2016 онд Ирланд улсыг бүхэлд нь хамарсан аймшигт хар салхи болж онц их хэмжээний хохирол учирсан байдаг. Гамшгийн нийт хэмжээ нь 1.5 тэрбум доллартой тэнцэхүйц байсан бол 70 орчим хүн амиа алдаж 100,000 орчим хүн гэр оронгүй болжээ. Иймд НҮБ болон Атлантын эвслийн орнууд тус улсад хүмүүнлэгийн тусламж үзүүлэн сэргээн босголтод зориулан чамгүй мөнгө хандивласан байна. Гэвч уг байгалийн гамшгаас зөвхөн хүн хохирсон гэвэл үгүй юм. Олон мянган ан амьтан ч мөн амиа алдсан юм.
Шуурга болсноос хэдхэн хоногийн дараа Ирландын амьтны эрхийн байгууллагын ажилчид Kilorglin мужид явж байтал голд живж буй илжгийг олж харсан байна. Тэд түүнд туслахаар шийдэн завинд сууж аврах цагираг шидэн татсаар эрэг дээр гаргасан аж. Харин эрэг дээр гаргасны дараа өнөөх илжиг нь тун ихээр баярласан бололтой тэр бүр амьтад гаргаад байдаггүй нүүрний хувирал болох мишээлийг нүүрэндээ тодруулсан юм. Иймээс уг илжгийг инээдэг илжиг хэмээн нэрлэсэн байна.
Түүнчлэн илжиг инээхээ огт зогсоогоогүй бөгөөд өөрийн эргэн тойронд байсан хүмүүстэй тоглож тэднийг долоож хамт инээж зураг даруулсаар байжээ. Уг илжиг нэгэнт төөрч эзэнгүй болсон тул орон нутгийн фермер эрд уг илжгийг өгч шинэ эзэн нь түүнийг малын жүчээндээ бордож хүч оруулахаар авч үлдсэн гэнэ.
