Оросын уудам тал нутагт орших Уралын нурууны зүүн бүсэд байрлах Киштим хэмээх нэгэн жижигхэн тосгонд 1957 оны 9-р сарын 29-ны өдөр цацраг идэвхт бодис алдагдсан ноцтой хэрэг болжээ. Энэ нь дэлхийн хоёрдугаар дайны дараа тохиолдсон цацраг алдагдсан хамгийн эхний хийгээд хамгийн том тохиолдол болж бүртгэгдсэн юм. Түүнчлэн гамшгийн хэмжээгээрээ Чернобыль болон Фүкүшимагийн дараа 3-т орохоор эрэмбэлэгдэн бүртгэгдсэн байдаг.
Уг осол нь атомын цахилгаан станцын хөргөлтийн системд алдаа гарч хэт их даралт бий болсноос үүдэн дэлбэрсэн гэх бөгөөд агаарт 78-80 тонн хэмжээтэй цацраг идэвхт бодис тархаж Киштим тосгоноос бүх талдаа 5000 км газарт 22 тосгоны 270,000 гаруй хүн амыг тэр дор нь нүүлгэн шилжүүлсэн байдаг. Уг дэлбэрэлтээс болж шууд хүн амиа алдаагүй боловч 2-3 жилийн дотор нийт 6000 гаруй хүн арьсны хорт хавдраар хорвоог орхисон түүхтэй. Хожим 1976 онд ЗХУ-ын шинжлэх ухааны хүрээлэнгийнхэн тусгай баг гарган тус бүс нутагт судалгаа хийлгэхэд цацраг идэвхт бодисын хэмжээ огт буурсан шинжгүй байсан нь аймшигтай.
Түүнчлэн тухайн бүс нутагт амьдрах шавж болон амьтдаас шинжилгээ авч үзэхэд бүх амьд биетээс цацрах илэрч уг цацраг нь амьд амьтдын удмын санд нөлөөлөн улмаар дасал болсон байлаа. Гэвч амьтад өөрчлөгдөж магадгүй бөгөөд үүнийг мутацад орох үзэгдэл хэмээн нэрлэж байна. Харин дэлбэрэлт болсны дараа уг ослыг ард иргэдээс чанд нууцалсан бөгөөд учир битүүлэг шалтгаанаар 270,000 гаруй хүнийг нүүлгэсэн байдаг. Учир нь тухайн цаг үед АНУ-ын атомын цахилгаан станц, цөмийн энергийн газарт ганц ч осол гараагүй нь ЗХУ-ын нэр хүндийг олон улсын тавцанд муутгах ноцтой үр дүнтэй үйл явдал байсан юм.
