2014 оны 1-р сарын 30-ны өдөр Номхон далайд орших Маршаллын арлуудын ойр орчмын задгай далайгаас Испани хэлээр орилж буй нэгэн завьтай эрийг орон нутгийн хүмүүс анзаарсан байна. Түүнийг орилохтой зэрэгцэн нутгийн загасчид түүн дээр очиход турж, эцэж, сахал үс нь ургасан аймшигтай царайтай хүн тэднийг угтжээ. Тэрээр өөрийнхөө нэрийг хэлж чадаж байсан бөгөөд харин насаа 36 эсвэл 37 настай хэмээн мэдэгдсэн аж. Түүнийг олсон даруйдаа нутгийн иргэд орон нутгийн эмнэлэгт хүргэн эмчлүүлсэн байдаг.
Ийнхүү Маршаллын арлын цагдаагийн газар Испанийн иргэний бүртгэлийн газартай хамтран уг иргэнийг хайж эхэлсэн боловч огт мэдээлэл олдоогүй байна. Гэвч уг эр эмнэлэгт ухаан ороод өөрийгөө Испани бус Эль-Сальвадор улсын загасчин хэмээсэн аж. Тэрээр 14 сарын өмнө өөрийн найз Ezequil-ын хамт задгай далайд гарсан боловч онгоцны мотор нь эвдэрч мөн GPS нь ажиллахаа больсноор тэр чигтээ төөрсөн аж. Харин найз нь далайн шуурганд ор сураггүй алга болсон тухай өгүүлжээ. Гэвч түүнийг найзыгаа барьж идсэн гэж цагдаа нар таамаглаж байгаа боловч далай тэнгисийн хуулиар бол аргагүй байдлаар хүний мах идэхийг гэмт хэрэг гэж үздэггүй болохоор асуудалгүй юм.
Тэрээр 14 сарын турш загас, акул, шувуу, яст мэлхий зэрэг амьтдыг идэж байгаа бүх саваараа борооны ус тосож түүнийгээ уусаар тэсэж үлдсэн тухайгаа хэлжээ. Бороо орох нь нэг талаараа уух устай болж байгааг илэрхийлсэн сайхан мэдээ боловч хүчит шуурга, давлагаанууд хамгийн хүнд бөгөөд сайн далайчин тулдаа л тэсэж үлдсэн хэмээн бахархан өгүүлсэн аж. Тэрээр эхнэр, 3 хүүхдийн хамт амьдардаг бөгөөд аль хэдийн Salvador Alvarenga-г нас барсан хэмээн иргэний бүртгэлийн байгууллага нь мэдээллээс түүнийг хассан байжээ. Тэрээр эмнэлгээс гараад гэрийнхэнтэйгээ Бразилд уулзсан бөгөөд тэдний бүх зардлыг Маршаллын арлуудын захиргаа гаргасан гэнэ.
