Joe Louis бол 1934-1951 оны хооронд боксын ертөнцөд хүч үзэж байсан Америкийн домогт тамирчин юм. Яагаад домог гэж хэлж байгаа учир нь гэвэл 1937-1949 оны хооронд дараалан АНУ-ын боксын хүнд жингийн аварга болж байсан аж. Гэвч тэрээр цаг үргэлж арьс өнгөний үзэл, шударга бус шүүлтийн золиос болсоор иржээ. Энэ бүхнийг няцаахын тулд бусад бүх өрсөлдөгчдөөсөө хувь илүү байж өөрийгөө харуулж байж л бусдад хүлээн зөвшөөрөгдөнө хэмээх бат итгэлтэй нэгэн байсан юм. Иймдээ ч тэрээр шударга бус зүйл их болдог боксын ертөнцөд 12 жилийн турш дараалан аварга болсон нэгэн.
1942 онд АНУ Японтой дайн хийх үед тэрээр боксын ертөнцийг түр орхин сайн дураараа дайнд явсан байдаг. Түүнийг АНУ-ын Атлантын далайн флотод хуваарилан Германы эсрэг тулаанд оруулсан аж. Тэрээр бусад цэргүүдийн адил тулалдаж, шархдаж явсаар дайнаас амьд үлдэж чадсан юм. Дайнд бусдаас онцгой гавьяа байгуулж чадаагүй ч өөр байсан мөнгө, нэр алдар гээд бүхий л зүйлээ хаяад дайнд явсан нь бусад хүмүүсийн гайхшралыг төрүүлэхийн зэрэгцээ олон сая Америкчуудад урам зориг өгч байсан гэх.
Түүний дайнд явах тухай шийдвэр гаргасны дараа сэтгүүлчид “АНУ арьс өнгөөр ялгаварлах үзлээ халаагүй байхад та энэ улсын төлөө тулалдана гэж үү? Хэмээн асуужээ. Тэрээр хариуд нь “АНУ-д болж бүтэхгүй олон муу зүйлс байгаа, гэхдээ Гитлер энэ бүхнийг улам дордуулна гэхээс огт сайжруулж чадахгүй, ийм учраас л би дайнд явж байна” хэмээн хариулсан байдаг. Түүнийг дайнд явна хэмээн мэдэгдсэний дараагаар 15 мянга орчим өнгөт арьс эрчүүд армид бүртгүүлсэн байдаг.
