1970 оны 2-р сарын 24-ны өдөр Австралийн нийслэл Сидней хотын онгоцны буудлаас Японы Токио чиглэлийн онгоц хөөрөхөөр болов. Бүх зүйл төлөвлөгөөний дагуу явагдаж онгоц хөөрсөн боловч хөөрөөд дугуйгаа хураах мөчид нэгэн хүн онгоцноос тэр дороо унаж нас барсан байдаг. Тухайн үед онгоц 60 метрийн өндөрт нисэж байсан нь ямар ч хүнийг шууд үхэлд хүргэхэд хангалттай өндөр байлаа. Харин хүүг Keith Sapsford гэх бөгөөд дөнгөж 14 настай шилжилтийн насны хүүхэд байсан байдаг.
Тэгвэл keith Sapsford гэр бүлийн халуун дотно уур амьсгалд аж төрдөг боловч өмнө нь хэд хэдэн удаа гэрээсээ оргон зайлж байсан бөгөөд энэ удаа ослоос 2 хоногийн өмнө буюу 2-р сарын 22-ны өдөр гэрээсээ оргосон байжээ. Чухам яагаад гэрээсээ оргоод байдаг байсан гэвэл хүүгийн багаасаа мөрөөддөг цор ганц мөрөөдөл нь дэлхийгээр аялах байсан тул ямар ч хамаагүй онгоцонд сууж аяллаа эхлүүлэхээр шийдсэн хэрэг. Тэрээр уг онгоцонд өмнө нь орж нуугдаад Япон уруу өөрийгөө хүрч чадна хэмээн тооцоолсон байж.
Энэхүү зургийг Австралийн нисэх онгоцны буудлаас авсан бөгөөд одоог хүртэл олон сая хүний сэтгэлийг шимшрүүлсээр л байх ажээ. Тэрээр эцгээсээ цаг үргэлж дэлхийгээр зугаалах хүсэлт тавьдаг байсан боловч эцэг нь түүнд үргэлж цаг нь болохоор чи зугаална, тэр болтол өөрийгөө бэлд гэж үргэлж хэлдэг байж. Гэвч өсвөр насны хүү өөрийн хүслээ барьж дийлэлгүй ийм бодлогогүй алхам хийсэн нь түүнийг үхэлд хүргэсэн байна. /Жич: Манай улсад нэг иймэрхүү тохиолдол болж байсан бил үү? Онгоцны буудлын дугуйны хэсэгт хүүхэд нуугдсан байж байгаад осгож үхдэг. Энэ тухай мэдэх хүн нь сэтгэгдлээ бичиж хуваалцаарай/
