Түүнийг Жон Филипс гэх бөгөөд 1955 оны 8-р сард Грек улсад төрж бага насандаа АНУ-уруу гэр бүлээрээ цагаачилсан байна. Уг залууг өнөөдөр Америкчууд атомын бөмбөгний хүүхэд гэх нэрээр нь илүү сайн таньдаг аж. Тэгвэл яагаад энгийн бизнесмен залууг ийнхүү нэрлэсэн нь тэртээх 1976 онд Принстоны их сургуульд сурч байх үетэй нь холбоотой байна. Тэрээр тухайн үед график дизайны анги байсан бөгөөд диплом хамгаалтанд зориулж олон сарын турш атомын бөмбөгийн загварыг гаргахаар хичээж ажилласан аж. Бүр шуудангаар Пакистаны эрдэмтэдтэй холбоо тогтоон туршилтын загваруудын зургийг ч авч байсан нь хожим ил болсон байдаг.
Ийнхүү сүүлчийн улирал гэхэд Жон Филипс жижиг оврын атомын бөмбөгний загварыг сургууль дээрээ авчирсан бөгөөд сургуулийн захиргаа үүнийг нь шүүхийн тулд мэргэжлийн хүн дуудахад АНУ-ын Калифорни мужийн зэвсгийн шинжээч түүний бөмбөгний загварыг хараад тэр дороо уулга алдсан байна. Тэрээр зүгээр ч нэг загвар зохион бүтээсэн бус хэрэг шар нунтаг буюу ураныг тусгай хамгаалалттай саваар дүүргэн дотор нь хийгээд тийрэлтэт хөдөлгүүрт холбох юм бол Японы Нагасаки хотод хаясантай яг дүйцэхүйц атомын бөмбөгийг зохион бүтээсэн байжээ. Өөрөөр хэлбэл оюутан эр сумгүй буу зохион бүтээчихсэн байсан гэсэн үг.
Энэ явдал нь хормын дотор АНУ-ын хэвлэл мэдээллээр тархаж түүнийг атомын бөмбөгний хүүхэд хэмээн бүхий л муж даяар дуудах болжээ. Бүр уг мэдээ нь АНУ-ын конгрессийн сонорт хүрснээр холбооны мөрдөх товчооныхоныг түүн уруу илгээж олон жилийн турш улсын хяналтад байлгасан байна. Гэвч тэрээр ганц ч удаа нийгэмд аюултай үйлдэл гаргаж байгаагүй юм. Харин Принстоны их сургууль түүнд онц үнэлгээ өгч тэр дор нь сургуулийг нь төгсгөж байсан түүхтэй. Түүнийг 1998 он хүртэл АНУ-ын тагнуулын ерөнхий газар хяналтандаа байлгасан бөгөөд удаа дараа гомдол гаргасны үр дүнд түүнийг тагнахаа больж одоо тэрээр Сан-Франциско хотод өөрийн эхнэр болон хүүхдийн хамт хувийн бизнесээ эрхлэн амьдарч байна. /Тэгсэн Арго багшийн атомын бөмбөг гар аргаар зохион бүтээх гарын авлага гэдэг ном санаанд буучихлаа/
