Дэлхийн хамгийн үзэсгэлэнт бөгөөд өвөрмөц байгалийн тогтоц бүхий Исланд улсад 1975 оны 10-р сарын 24-ны өдөр тус улсын эмэгтэйчүүдийн 90 хувийг хамарсан асар өргөн хэмжээний жагсаал болсон байдаг. Уг жагсаал нь тэгш эрхийн төлөөх жагсаал хэмээх нэртэй байсан бөгөөд гол зорилго нь эмэгтэй хүн эрчүүдийн адил ажил хөдөлмөр эрхлэхийг хуулиар зөвшөөрөх ёстой байлаа. Тухайн үед Исланд улсын хуулиар эмэгтэй хүн хүүхэд харах, гэрийн ажил хийхээс бусад төрлийн мөнгө олон ажил хийхийг хориглосон байжээ. Иймд эмэгтэйчүүд гэртээ суусаар залхан эрчүүдийн адил хөдөлмөрлөхийг хүссэн аж.
Уг зогсоолыг яаралтай зогсоох хэрэгтэй байсан ч Исландын засгийн газарт цуглааныг зогсоох хүч үнэхээр байсангүй. Эмэгтэйчүүдийн шаардлагыг хүлээж авахгүй удах тусам гудамжинд жагссан эмэгтэйчүүд улам бүр уурлан цагдаа нар уруу дайрсаар байв. Цагдаа нар хариуд нь юу ч хийж чадалгүй ухарсаар л байлаа. Учир нь тухайн улсын эмэгтэйчүүдийн 90 хувь нь уг жагсаалд оролцсон бөгөөд цагдаа болон улс төрчид гээд бүхий л эрчүүдийн ээжүүд, эхнэрүүд, эгч, эмэгтэй дүү нар нь уг жагсаалд байсан тул ямар ч хүч хэрэглэх боломж олгоогүй байна. Улмаар Исландын ерөнхийлөгчийн эхнэр хүртэл жагсаалд нэгдсэн тул Исланд улс хүссэн хүсээгүй эмэгтэйчүүдийн тулган шаардлагыг биелүүлж 1976 онд шинэ үндсэн хуулиа баталсан байдаг. Уг жагсаалаас 5 жилийн дараа буюу 1980 онд Исландад анх удаа эмэгтэй ерөнхийлөгч сонгогдсон байна.
