Алан Марковтиз бол үл хөдлөх хөрөнгийн томоохон кампанийн эзэн бөгөөд АНУ-даа олны танилд тооцогдох нэртэй баян эр аж. Гэвч тэрээр өөрийн хуучин эхнэртээ туйлын их гомдож явдаг нэгэн юм. Тэрээр өөрийнхөө хуучин эхнэрт туйлын их хайртай байсан боловч эхнэр нь ердөө түүний мөнгөнд болж суун улмаар жинхэнэ хайртай хүн нь гарч ирэх үед хөрөнгөнөөс нь багагүй хэсгийн салгаж аваад шинэ залуу амрагтайгаа хамт амьдрах болжээ. Иймд баян эр маш удаан хугацааны турш хууль зөрчилгүйгээр эхнэрээсээ хэрхэн хариу авах тухай бодсоор байсан аж.
Харин нэгэн өдөр түүний толгойд мэргэн санаа орж ирсэн нь өөрийнхөө давуу тал болох мөнгийг ашиглан хариу авах санаа байв. Иймд тэрээр 2012 онд өөрийнхөө хуучин эхнэрийн амьдардаг Мичиган мужид эхнэрийнхээ хөрш айлыг асар их мөнгөөр далайлган худалдан авч гадна талын цэцэрлэгтээ яг эхнэрийнхээ гэрийн байшин уруу харсан аварга том дунд хурууны хөшөө барьсан байна. Ядаж байхад яг унтлагын өрөөтэй нь шууд огтлолцсон тул түүний хуучин эхнэр хийгээд нөхөр нь өглөө бүр түүний бэлдсэн дунд хурууг харж сэрдэг болжээ.
Түүнчлэн уг хөшөө нь шөнийн цагт тасралтгүй гэрэлтэж байдаг тул тун их хүндрэл үүсгэдэг байна. Тэрээр цагдаад хандаж үзсэн боловч хүн өөрийнхөө эзэмшил газар дээр энэ бүхнийг хийсэн тул хууль бус зүйл байхгүй хэмээн үзжээ. Арга барсан эмэгтэй нүүж үзсэн боловч Алан Марковтиз мөн л яг зэрэгцээ байшинг нь худалдан аваад орчихсон байна. Иймд түүнээс хаашаа ч зугтаж чадахгүйгээ ойлгон аль болох хөшгөө нээхгүйгээр амьдрахыг хичээж байгаа гэнэ. Тэрээр хуучин нөхрөө уг тэнэг үйлдлээ үлдсэн амьдралынх нь турш хийхээс тун их айж байгаа аж.
