1864 оны 11-р сарын 29-ны өдөр АНУ-ын Колорадо мужид болсон явдлыг “сэнд крийк”-ын хядлага хэмээн түүхэнд тэмдэглэн үлдсэн байдаг. Нутгийн уугуул иргэд өөрсдийн үхэр бэлчээрийн талбайг булаацалдан удаа дараа АНУ-ын иргэдтэй маргалдсан тул АНУ-ын засгийн газраас асуудлыг нэг тийш болгох тушаал өгсөн байна. Энэ нь тус овгийг үндсээр нь устгах явдал байлаа. Ийнхүү тухайн оны тухайн өдөр АНУ-ын эх газрын армын 675 сайн дурийн цэргүүдийг тосгоны захад авчиран Индианчуудыг эр эм, хүүхэд хөгшин гэлтгүй бүгдийг нь устгах тушаал өгсөн аж.
Сайн дурын цэргүүд цөм гайхширч дор бүрнээ энгийн хүмүүсийг ална гэдэг утга үгүй санагдаж байтал тэдний дундаас ахмад Силас Сөүл гэх Голланд гаралтай эр хурандаагийн шийдвэрийг эрс эсэргүүцсэн байна. Яг тухайн үед уг ахмадын удирдлага дор 400 орчим цэрэг байж л дээ. Хурандаа түүнд уг тушаалыг АНУ-ын засгийн газар, батлан хамгаалан яам ирүүлсэн гэж хэлсэн боловч түүний үзэл бодол, шийдвэрийг юу ч өөрчилж чадсангүй. Иймд хурандаа тэр дор нь гар буугаа гарган ахмадыг газар дээр нь буудан хороожээ. Түүний удирдлага дор байдаг цэргүүд юу ч хийж чадалгүй цөм алмайрсан гэдэг.
Харин хурандаа тэдэнд тушаал бол тушаал хэмээгээд тосгоныг дайрч нэг ч хүн амьд үлдээлгүй бүгдийг устгах тушаал өгсөн байна. Тулаан ч эхэлж гэнэтийн дайралтад бэлтгэлгүй байсан Индианчууд маш амархан ялагдсан байдаг. Хамгийн аймшигтай нь тус овог аймаг нийтдээ 163 иргэнтэй байсан бөгөөд дайны эцэст 163 хүний цогцос бүртгэгдсэн юм. Өөрөөр хэлбэл тус овог үр удмаа үлдээж чадалгүй газрын хөрснөөс арчигдсан нь эмгэнэлтэй.
