1995 оны 5-р сарын 17-ны өдөр АНУ-ын Калифорни мужийн Сан Диего хотод байрлах цэргийн ангиас M60A3 загварын байлдааны зориулалттай хуягт танк хулгайд алдагджээ. Тус танк нь нийт 57 тонн жинтэй бөгөөд харуулын цэрэг танкийг харсан даруйдаа гал нээсэн боловч түүний бууны сум зогсоож дийлсэнгүй. Гэвч ямар ч хариу гал нээхгүй байгааг бодоход танк дотор ганц хүн явж байгаа нь ойлгомжтой болов. Гэвч галзуу жолоочтой танк хотын төв хүрэн хурдны замыг чиглэн явсан бөгөөд замдаа таарсан машин бүрийг бяцлах аж. Түүний араас АНУ-ын армийн цэргүүд болон орон нутгийн цагдаагийн албан хаагчид хүч хавсран хөөсөн боловч танкийг зогсоож үл дийлнэ.
Нэгэнт хот уруу танк дөхөж буй учир мужийн амбан захирагч уг танкийг зэвсгийн хүчээр зогсоо хэмээн мэдэгджээ. Иймд цэргүүд танк эсэргүүцэгч авчран түүнийг буудсан боловч гайхамшигтай тохиолдлоор танк сүйрэлгүй үлдэж цааш явж эхлэв. Уг танкны өөдөөс танк дайруулна гэвэл хотод дайн болсонтой ялгаагүй байдалд үүсэх тул цэрэг цагдаа бүх арга чаргаа хэрэглэн байтал гэнэт танк нэгэн том байшинг мөргөөд түр зогссон байна. Түүнийг зогсох үед орон нутгийн цагдаагийн ахмад Паул Пакстон гэх эр танк уруу гүйн авирч дээр нь гарч бэхэлгээг нь нээн гар буугаараа жолоочийг газар дээр нь буудан зогсоосон байдаг.
Түүний галзуу үйлдлээс болж хотод нийт 1,6 сая долларын хохирол учирсан байна. Харин танк жолоодож байсан эрийг Шаун Нелсон гэх бөгөөд армид алба хааж байгаад тэтгэвэртээ гарсан ахмад дайчин байжээ. Тун удалгүй тагнуулын ерөнхий газар түүнийг ямар шалтгаанаас болж ийм үйлдэл хийснийг тогтоосон байна. Мань эр 1990 онд авто осолд орж нурууны хүнд гэмтэлтэй болсон бөгөөд эрүүл мэндийн даатгалын сангаас эмчилгээний мөнгийг нь гаргаж өгөхөөргүй болжээ. Мөн түүний эхнэр салсан тул өөрийн гэр орон зэрэг бүх зүйлсээ алдсан байна. Гэнэтхэн л амьдралд нь тохиолдсон олон аймшигт асуудлуудыг тэрээр дааж чадалгүй сэтгэцэд нь өөрчлөлт орсон байлаа. Түүнийг нас барсны дараа гэрээс нь нэгэн дугтуй олсон бөгөөд дотор нь “би 2 сая долларын хохирол улсад учруулчхаад амиа хорлох болно” хэмээсэн байв.
