Энд өгүүлэх бяцхан түүх бол компанийг хүнд байдалд ороод байхад нь түүнийг үндэслэн байгуулсан эзэн нь казинод сүүлчийн 5000 доллараа бооцоонд тавин байж аварсан үнэн түүх юм. Дэлхийд томоохонд тооцогдох уг компанийг үндэслэгч, өнөөгийн эзэн Фредерик Смит 1971 онд өөрийн 4 сая, хөрөнгө оруулагчдынхаа 90 сая долларыг ёстой хаашаа ч яаж зарцуулсан болох байлаа. Учир нь FedEx компани хэдийнээ салбартаа дэлхийд тэргүүлэх байр сууринд очсон байв.
Гэтэл гурван жилийн дараа шатахууны үнэ огцом нэмэгдсэнээс болж байгуулсан эзэнт гүрэн нь дампуурлын ирмэгт ирэх нь тэр. Компани нь тухайн үед сард нэг сая доллар алдаж, хэн ч хувьцааг нь авах, хөрөнгө оруулах сонирхолгүй боллоо. Ийм болоод байхад Смитт өөрийн дансанд үлдсэн хамгийн сүүлчийн 5000 доллараа бэлнээр аван Лас-Вегас явах нь тэр. Тэр амралтын өдрүүдээр тэнд байж блэкжек тоглосон байдаг.
Даваа гараг гэхэд тэр 32,0 мянган доллар хожсон нь онгоцнуудаа шатахуунаар цэнэглэж дахиад хэдэн өдөр ажлаа үргэлжлүүлэх боломжтой болох нь тэр. Гэвч удаан хүлээсэн шатахууны үнэ гэнэт өссөн шигээ гэнэт буурсан аж. Хожим сэтгүүлчид түүнээс чухам яагаад ийм арга сонгов гэсэн асуултад тэр “ Ямар ялгаа байсан юм. Шатахуун авах мөнгөгүйгээр бид тэртэй тэргүй ажиллаж чадахгүй л байсан шүү дээ” гэсэн байдаг. Гол нь түүний хожсон 32,0 мянган доллар авралын од нь байсан юм. Үүний дараа Смит 11 сая доллар олж 1976 он гэхэд 3,6 сая, дөрвөн жилийн дараа 40 саяыг олсон. Харин энэ үед эргэлтийн хөрөнгө нь хэдийнээ тэрбумд хүрсэн байлаа.
