Тэрээр 1919 оны 8-р сарын 20-ны өдөр АНУ-д төрсөн байдаг. 1938 онд АНУ-ын явган цэргийн 422-р ангид элсэн ороод дэлхийн дайх эхэлмэгц тэрээр Германы эсрэг тулалдахаар туйлын ихээр хүсч эхэлсэн аж. Гэвч АНУ дайнд оролцох сонирхолгүй байсан тул сайн дурын цэрэгт бүртгүүлэн Их Британид очин Германы эсрэг тулалдах болжээ. Уг явдлаас хэдэн жилийн дараа Герман улс АНУ-тай албан ёсоор дайн зарамагц эх газрын Европт АНУ-ын армийг төлөөлөн тулалдах болов.
Түүнийг ихэвчлэн еврейчүүдийг аврах, хамгаалах, нүүлгэн шилжүүлэх ажиллагаанд явуулдаг байсан бөгөөд газар газрын еврейчүүдтэй тун чухал холбоотой болсон байв. Тэрээр өөрийн хүмүүсийн хамт 1945 оны 1-р сарын 27-ны өдөр Германы нутаг дэвсгэр дээр байрлах Зейгенхайн хэмээх хорих лагерт эвдэн сүйтгэх ажиллагаа хийн 150 еврей хүнийг суллан тэдний хувцсыг солиод зугтаалгаж байлаа. Гэвч тэд Германы нутаг дэвсгэр дээр байсан тул хүний олонд баригдан яалт ч үгүй Германчуудад олзлогдсон байна. Германы нэгэн офицер гар буугаа толгойд нь тулган ахлах дэслэгч Родди Эдмундсаас аль нь еврей хүмүүс болохыг зааж өгөхийг шаардахад тэрээр “бид бүгдээрээ еврей” хэмээн хариулж байжээ.
Тэнд нийт 200 хүн байсан бөгөөд Герман улс нэгэнт дайнд ялагдах нь ойлгомжтой болсон хүнд үед Герман офицер 200 хүнийг цааш нь харуулвал арыг нь дааж чадахгүйгээ мэдэн тэднийг зүгээр л хорьсон байдаг. 1945 оны 8-р сард тэднийг АНУ болон Их Британы цэргийн эвсэл чөлөөлсөн юм. Тэнд байсан 150 еврей хүнээс гадна тусгай хүчний 50 цэрэг цөм эсэн мэнд байсан бөгөөд уг явдлын дараа буюу Израйл улс албан ёсоор байгуулагдсан 20 жилийн ойгоор түүнд Израйлын засгийн газраас тусгай одон гардуулсан байдаг. Тэрээр 1985 онд таалал төгссөн юм.
