Тэрээр 1954 оны 10-р сарын 10-ны өдөр Перу улсын Лима хотод төрсөн аж. Түүний эцэг эх хоёул амьтны хүрээлэнгийн ажилчид байсан бөгөөд охин нь ч гэсэн тэдний мэргэжлийг өвлөн авахыг хүсдэг байлаа. Түүнийг бага байхад Перу улсын Пукалла хотын амьтны хүрээлэнгээс арай илүү цалинтай, боломжийн ажил санал болгосон тул эцэг нь гэр бүлийнхээ төлөө өөр хотод амьдрах болсон юм. 1971 оны 12-р сарын 24-ны өдөр буюу охин 17 настай байхад ээжтэйгээ хамт аавтайгаа уулзахаар орон нутгийн “Ланса-508”-р нислэгээр Пукалла хотыг зорьсон байдаг.
Харамсалтай нь уг өдөр онгоц Амазоны ширэнгэн ойн чанх дээр нисэж байх үед гэнэт аянга, цахилгаан цахиж онгоцыг онож ан цав үүсэн шууд сүйрчээ. Тухайн үед нисэх онгоц газраас 3,2 км-ын өндөрт нисэж байсан бөгөөд Жулиан Коепкегтийн сандал сууринаасаа салж тэрээр сандалтайгаа сорогдон тэнгэрт ууссан байна. Хамгийн гайхамшигтай нь охин газарт амьд мэнд унасан байдаг. Ослоос болж түүний баруун эгэм нь хугарснаас өөр онц гэмтэл үүсээгүй байна. Гэвч хамгийн хүнд асуудал нь тэрээр амазоны ширэнгэн ойн чанх голд нь унасан тул ямар ч хүн байсангүй.
Тэрээр ширэнгэн ойд нийт 11 хоног тэссэн бөгөөд энэ бүх хугацаанд зөвхөн жимс, шавьж идэж байсан гэдэг. Бүсгүй 11 хоногийн турш тасралтгүй алхсаны эцэст мод бэлтгэж байсан нэгэн эртэй таарчээ. Таарсан даруйдаа ухаан алдаж унасан тул өнөөх эр гайхаж очин хартал тураалдаа орж шавхай, шавар болсон охин байх нь тэр. Модчин эр түүнийг тэр дор нь мод бэлтгэлийн ангид хүргэн өгч тэндээс нь орон нутгийн эмнэлгийн нисдэг тэргээр ойролцоох хотын эмнэлэгт хэвтүүлсэн байдаг. Уг онгоцны ослоос ердөө ганц хүн амьд үлдсэн нь Жулиан Коепкегт байлаа. Тэрээр үхэж болох мянган боломжийг даван туулсан юм.
