Энэхүү үйл явдал 1984 оны 4-р сарын 23-ны өдөр АНУ-ын Нью Йорк хотноо болжээ. Уг хотын цагдаагийн газрын хүнд гэмт хэрэгтэй тэмцэх тасгийн ахмад 55 настай Роберт Чунгинхам сүүлийн 24 жилийн турш 7 хоногийн 6 өдөрт нь гэрийнхээ ойролцоо байрлах пиццаны газарт сууж лотто бөглөдөг зуршилтай нэгэн байлаа. Гэвч хамгийн азгүй нь энэ бүх хугацаанд тэрээр 20 доллараас илүү мөнгө хожиж үзээгүй аж.
Гэтэл 1984 оны 4-р сарын 23-ны тэр нэгэн өдөр урьдын адилаар өнөөх пиццаны газартаа орон лотто бөглөхөөр болсон байна. Гэвч энэ удаа яагаад ч юм мэдэхгүй кофе захиалах үедээ зөөгчид хандан “миний халаасанд лотто байна, яагаад бид хамтдаа бөглөж болохгүй гэж” хэмээн хэлжээ. Зөөгч ч түүнтэй хамтдаа бөгдөж тоонуудыг нь яг тэнцүү хэмжээгээр дугуйлж эхлэв. Ийнхүү бөглөсөөр тохирол дуусах болж хамгийн том шагналын эзний тохирлын дугааруудыг зарлах үед Роберт Чунгинхам өөрийн нүдэндээ ч итгэсэнгүй. Түүний бүх тоонууд ээлж дарааллаараа таарсаар 13 орон нь ямар ч зөрөөгүйгээр нийлэн 6 сая долларын эзэн болох нь тэр.
Мань эр суудлаасаа үсрэн босож өөртэй нь хамт бөглөсөн зөөгч бүсгүйг үнсээд “би иргэж ирнэ” хэмээгээд гарч оджээ. Энэ явдлаас хойш 7 хоногийн дараа цагдаа эр буцаж орж ирсэн бөгөөд зөөгч бүсгүй дээр очин хамтдаа банк орохыг хүссэн байна. Тэрээр ажилтай байгаагаа тайлбарлах үед “одоо ажлаасаа халагд” хэмээгээд хамт банк орон өөрийн 6 сая доллараас 3 сая долларыг нь түүний дансанд хийжээ. Ийнхүү сайхан сэтгэлт цагдаагийн ачаар тэд хоёул саятан болсон юм.
