Түүнийг Моондине Жое гэх бөгөөд 1826 оны Их Британид католик шашинтай 6 хүүхэдтэй гэр бүлийн 3 дахь хүү болон мэндэлж байжээ. Төрсөн эцэг нь 1833 онд гэнэт өвчний улмаас нас барсан тул 3 ахынхаа хамт нүүрсний уурхайд ажиллаж эхэлсэн байдаг. 1841 онд түүний гэр бүлийнхэн Корнвалл уруу явж амьдрахаар болсон боловч Моондине Жое тэднээс сөрөн Австрали тив уруу цагаачлахаар шийдсэн аж. Тэрээр хүслээ биелүүлж очсон даруйдаа төмрийн ордод ажилд орсон юм. Яг тухайн цаг үеэс түүний гэмт хэргийн амьдрал эхэлсэн түүхтэй.
1848 оны 11-р сарын 15-ны өдөр тэрээр өөрийн хоёр найзын хамт ойролцоо орших айлаас бяслаг, талх болон бага зэрэг гахайн мах хулгайлж байгаад баригдсан тул шоронд суухаар болжээ. Гэвч шоронд ороод удалгүй буюу 2 сарын дараа тэрээр оргосон юм. Харамсалтай нь удаан зугтаж чадалгүй баригдан дахин шорондоо ирсэн байдаг. Моондине Жое шоронд эргэн ирээд 3 сарын дараа дахин зугтсан боловч яг л өмнөх шигээ гадуур эрх чөлөөтэй алхаж байгаад баригдсан юм. Энэ үйл явдал 5 удаа давтагдсан бөгөөд шоронгийн захирагч аргаа баран зөвхөн түүнд зориулан дөрвөлжин хэлбэртэй ганц хүний тор хийж өгчээ. Түүнчлэн дарга нь түүнд хандан “хэрэв чи энэ удаа энэ торноос оргож чадах юм бол чи эрх чөлөөтэй” хэмээжээ.
1850 оны нартай нэгэн өдөр шоронгийн хуяг алдарт оргогч Моондине Жое-ийн торийг шалгах үед хоосон байв. Бүр ямар ч ухаж цоолсон ул мөр байхгүй боловч байх ёстой хүн нь л байсангүй. Гайхаж балмагдсан хуяг даргадаа хэлэн Австрали даяар эрэн сурвалжилж удалгүй түүнийг барьжээ. Тэрээр баригдсан даруйдаа шоронгийн даргийн амлалтыг сануулах үед дарга хэлсэн үгэндээ эзэн болж өөрийг нь суллаж байгаагаа илэрхийлсэн байна. Харин хэрхэн оргосон тухайгаа хэлэхийг хүсэхэд тэрээр огт хэлээгүй юм. Уг явдлаас хойш алдарт оргогч эр хууль ёсны дагуу амьдарсаар 1890 оны үеэс зөнөж эхлэн улмаар сэтгэцийн өөрчлөлттэй болон 1900 онд нас барсан байдаг.
