Уг эрийг Эрих Хартманн гэх бөгөөд 1922 оны 4-р сарын 19-ны өдөр Герман улсад төрсөн аж. Түүнийг бага байхад эцэг эх нь бизнесийн зорилгоор Хятадад нүүн тэндээ амьдарч байгаад 1928 онд Хятад улсад хувьсгал эхлэх үеэр аргагүй эрхэнд нутаг буцацгаасан юм. Тэрээр хожим нь Германы нисэх хүчинд орж дэлхийн хоёрдугаар дайн эхлэх үед дэлхийн хамгийн хүчирхэг нисэх хүчин болох “Luftwaffe”-р овоглож байлаа. Тэрээр дайны турш ганц ч удаа тушаал зөрчиж байгаагүй бөгөөд Германаар тогтохгүй бүх дэлхийн хамгийн чадварлаг сөнөөгч онгоцны нисэгч болж чадсан юм.
Эрих Хартман нь 1939-1945 оны хооронд тулалдахдаа барууны тэргүүтэй холбоотнуудын 352 нисэх онгоц, ЗХУ-ын 345 нисэх онгоцыг тус тус устгасан байдаг. Түүнчлэн үүн дээр АНУ-ын 7 нисэх онгоцыг нэмбэл нийт 704 нисэх онгоц устгаж дэлхийн түүхэн дахь рекордыг эвдсэн юм. Мөн агаарт нийт 350 гаруй тулаан хийснээс 301-н удаагийн тулаанд нь ялалт байгуулж байжээ. Тухайн үеийн Зөвлөлтийн цэргүүд түүнээс сүнсээ зайлтал айдаг байсан бөгөөд нисдэг үхэл хэмээн хочилдог байв.
ЗХУ-ын эсрэг зүүн фронтод эцсээ хүртэл тулалдаж эцэст нь Герман улс ухарч эхлэх үед 1945 оноос эхлэн эх орноо хамгаалахын төлөө холбоотнуудтай баруун солгойгүй алалцаж байгаад Их Британы цэргүүдэд олзлогдсон байдаг. Гэвч Ялтын бага хурлын үр дүнгээр түүнийг ЗХУ-ын мэдэлд шилжүүлсэн байна. ЗХУ-ын коммунист шүүх түүнийг социалист өмч хөрөнгө сүйтгэсэн гэх хэргээр 25 жилийн хорих ял оноожээ. 10 жилийн турш шоронд хоригдсоны эцэст түүнийг суллах тушаал гарган 1955 онд гэртээ харьж Германы шинэ нисэх хүчинд үргэлжлүүлэн алба хаасаар 1993 онд нас барсан байдаг. Түүнд авч үзээгүй нацист Германы одон, медаль гэж байдаггүй гэнэ.
